Trump njofton se do të takohet me Zelenskyn

Kandidati republikan për president të SHBA-së, Donald Trump, ka rënë dakord “në minutën e fundit” për një takim me presidentin e Ukrainës Volodymyr Zelensky, pavarësisht se e ka kritikuar vazhdimisht atë.
Ish-presidenti amerikan në një konferencë për shtyp ka theksuar se lideri ukrainas do të vizitojë Kullën Trump të premten, vetëm disa ditë pasi Trump e kritikoi atë për refuzimin e “bërjes së një marrëveshjeje” me Moskën.

Trump duket se ka ndryshuar mendje pasi në raportimet e mëparshme nga fushata e tij u tha se një takim mes tyre ishte jashtëzakonisht i pamundur, raporton BBC.

Dyshja kanë kaluar një marrëdhënie të trazuar. Trump u fajësua në vitin 2019 për akuzat se ai i bëri presion Zelenskyt për të zbuluar informacione të dëmshme për familjen Biden.

Ishte raportuar  se Trump i kishte kërkuar Zelenskyt të hetonte Bidenin, si dhe djalin e Bidenit.

Duke njoftuar takimin me udhëheqësin ukrainas, Trump përsëriti pretendimin e tij të kahershëm se ai do të ishte në gjendje të “bënte një marrëveshje” midis presidentit rus Vladimir Putin dhe Zelensky “mjaft shpejt”.

Por ish-presidenti nuk pranoi të thellohej në specifikat e planit të tij. Ai gjithashtu refuzoi të përgjigjej kur u pyet nëse beson se Ukraina duhet t’i dorëzojë territorin Rusisë si një mjet për t'i dhënë fund luftës.
“Është turp ajo që po ndodh në Ukrainë. Kaq shumë vdekje, kaq shumë shkatërrime. Është një gjë e tmerrshme”, u tha Trump gazetarëve në New York të enjten.

Të enjten mbrëma, Trump postoi mesazhin me tekst nga presidenti Zelensky - i transmetuar nga zëvendësambasadori i Ukrainës në SHBA. Në të, udhëheqësi ukrainas kërkoi një takim me ish-presidentin ku thuhej se ishte “e rëndësishme që të kenë një kontakt personal dhe të kuptojmë njëri-tjetrin 100%".

Takimi i së premtes vjen në mes të tensioneve midis Zelenskyt dhe partisë Republikane përpara zgjedhjeve presidenciale të nëntorit në SHBA.