Tre punëtorë kanë mbetur të vdekur nga shembja e skelave në një ndërtesë 19-katëshe në Lozanë të Zvicrës të premten paradite. Siç raporton “20 Minutes”, dhjetëra të tjerë kanë pësuar lëndime.
Të paktën katër persona u lënduan më rëndë, dy në gjendje mesatare dhe dy më lehtë, ka konfirmuar policia kantonale e Vaudit.
Ende nuk ka numër të saktë të të vdekurve dhe të lënduarve. Policia ka thënë se ka ende njerëz nën rrënoja.
“E gjithë fasada e ndërtesës 19-katëshe është shembur”, ka thënë Romandie Jean-Christophe Sauterel, zëdhënës i policisë kantonale Vaud.
Sipas dëshmitarëve, të cilët ishin të tronditur dhe në lot, një ashensor mallrash u rrëzua dhe mori me vete edhe skelat.
Ende nuk dihet shtetësia e të vdekurve.
Policia ka bllokuar rrugën. Ka frikë se mund të ketë shembje të tjera.
VIDEO:
Prilly malley accident échafaudage#lausanne pic.twitter.com/1n1fJq2847
— hasan ucar (@HasanUcar72) July 12, 2024
Prilly Malley accident #lausanne pic.twitter.com/4HzgmT0X2H
— hasan ucar (@HasanUcar72) July 12, 2024
