Të paktën pesë persona kanë vdekur dhe 36 të tjerë janë lënduar si pasojë e shpërthimit të një zjarri në një ndërtesë banimi 16-katëshe në lagjen Jordan të Hong Kongut, mëngjesin e së mërkurës.
Rreth 250 banorë arritën t’i shpëtonin zjarrit që përfshiu ndërtesën New Lucky House, raporton “Associated Press”.
Shërbimi i zjarrfikësve ka bërë të ditur se zjarri i cili kaploi katin e parë dhe të dytë të ndërtesës 16-katëshe është shuar.
New Lucky House ka 200 njësi banimi dhe është ndërtuar në vitin 1964.
Shefi Ekzekutiv i Hong Kongut, John Lee ka shprehur ngushëllime për familjet e viktimave dhe ka njoftuar se hetimet për shkakun e zjarrit po vazhdojnë.
