Pushtimi rus në Ukrainë ka hyrë në ditën e nëntë. Qindra civilë, në mesin e tyre edhe shumë fëmijë kanë mbetur të vrarë si pasojë e sulmeve. Palët ukrainase dhe ruse kanë zhvilluar të enjten rundin e dytë të bisedimeve mirëpo e gjitha çka është arritur është një marrëveshje për armëpushim gjatë evakuimit të civilëve. Të dy palët janë pajtuar për një rund të tretë bisedimesh së shpejti
23:32 - Zelensky kritikon vendimin e NATO-s
Presidenti i Ukrainës, Volodymyr Zelensky, ka dënuar vendimin e NATO-s për të përjashtuar mundësinë e implementimit të ndalimit të fluturimeve mbi Ukrainën.
“NATO-ja ka vendosur të mos e mbulojë qiellin mbi Ukrainë”, ka thënë Zelensky të premten në mbrëmje në një adresim në Facebook. “Ne besojmë që shtetet e NATO-s kanë krijuar një narrativë që mbulimi i qiellit mbi Ukrainë do të provokonte agresion direkt të Rusisë ndaj NATO-s. Kjo është hipotezë e atyre që janë të dobët, të pasigurt, pavarësisht faktit se posedojnë armë shumëfish më të forta se që kemi ne”, ka shtuar ai.
Më herët gjatë ditës, NATO-ja konfirmoi se një vendim për ndalim të fluturimeve do të çonte në luftë në gjithë Evropën.
22:52 - Zelensky: Bota nuk duhet të shikojë, por të ndihmojë
Presidenti i Ukrainës, Vlodymyr Zelensky, ka thënë se kërcënimi rus duke sulmuar centralin bërthamor kërkon veprime deçizive si përgjigje.
Zelensky, në Këshillin e Sigurimit të OKB-së, kërkoi mbylljen e qiellit mbi Ukrainën dhe nisjen e një operacioni për ruajtjen e paqes dhe sigurisë.
“Terrorizmi bërthamor kërkon veprim deçiziv si përgjigje. Në mbledhjen e Këshillit të Sigurimit të OKB-së, ne kërkuam mbylljen e qiellit mbi Ukrainën dhe nisjen e një operacioni për ruajtjen e paqes dhe sigurisë. Qëllimi është të shpëtohen objektet e rrezikshme. Bota nuk duhet të shikojë, por të ndihmojë”, ka shkruar ai në Twitter.
22:34 - Blinken: Zbatimi i zonës ndalim-fluturimi në Ukrainë do të çonte në luftë gjithë Evropën
Sekretari amerikan i Shtetit, Antony Blinken, ka thënë se zbatimi i zonës ndalim-fluturimi në Ukrainë nga Shtetet e Bashkuara dhe aleatët e saj në NATO mund të çojë në luftë gjithë Evropën.
22:01 - Macron bën thirrje për takim urgjent të Këshillit të Sigurimit të OBK-së
Presidenti i Francës, Emmanuel Macron, bëri thirrje për një takim urgjent të Këshillit të Sigurimit të OKB-së për sigurinë bërthamore në Ukrainë.
21:45 - Nisin reagimet ndaj Serbisë për protestën pro-Rusisë
Kanë nisur reagimet e para në rrjetet sociale për mbështetjen që protestues serbë i kanë dhënë të premten Rusisë në veprimet e saj për pushtimin e Ukrainës.
21:40 - Shtëpia e Bardhë kundërshton senatorin që bëri thirrje për vrasjen e Putinit
Shtëpia e Bardhë ka kritikuar senatorin republikan Lindsey Graham pasi ai u duk se bëri thirrje për vrasjen e presidentit rus Vladimir Putin në Twitter.
21:33 - Izolim teknologjik i Rusisë, s’ka Facebook, s’ka Twitter, s’ka Youtube
Rusia është shkëputur nga bota. Në një javë, një komb prej 145 milionë banorë është mbyllur hermetikisht. Me pothuajse asnjë kundërshtim nga Duma e Putinit.
20:52 - Rusia bllokon edhe Twitterin
Pas Facebookut, Rusia ka vendosur të bllokojë edhe Twitterin për qytetarët e vet.
20:49 - Pentagoni: Nuk ka rrjedhje të materialit radioaktiv nga sulmi rus në centralin bërthamor
Nuk ka pasur “asnjë rrjedhje të materialit radioaktiv” nga centrali bërthamor i Zaporizhzhia që u sulmua nga forcat ruse, tha zëdhënësi i Pentagonit, John Kirby, gjatë një konference për shtyp.
Pentagoni nuk mund të flasë se në çfarë statusi funksional është termocentrali tani ose nëse rusët kanë kontrollin e termocentralit, tha Kirby.
Departamenti i Mbrojtjes po ndihmon Departamentin e Energjisë në reagimin e SHBA-së ndaj incidentit, shtoi Kirby.
"Për shkak se ne kemi përvojë në drejtimin e centraleve bërthamore në Departamentin e Mbrojtjes, ne jemi pjesë e asaj përpjekjeje duke ofruar disa këshilla për Departamentin e Energjisë", tha Kirby.
Kirby e quajti sulmin "tepër të rrezikshëm".
“Sulmi i një centrali bërthamor është jashtëzakonisht i rrezikshëm dhe mund të kishte shkaktuar shumë më tepër dëme dhe shkatërrim për popullin e Ukrainës dhe ndoshta edhe për vendet fqinje, nëse kjo do të kishte shkuar në një mënyrë tjetër”, deklaroi Kirby.
20:43 - Putin: Mercenarë nga Kosova po luftojnë në Ukrainë
Presidenti i Rusisë, Vladimir Putin, në një bisedë me kancelarin gjerman Olaf Scholz, ka thënë se në Ukrainë po shkon duke u shtuar numri “i mercenarëve nga Kosova”.
20:32 - SHBA-ja thirrje Rusisë t’i lejojë operatorët bërthamorë ukrainas të punojnë "të sigurt"
Sekretarja e Energjisë e SHBA-së, Jennifer Granholm, postoi të premten në Twitter se “forcat ruse janë në kontroll të centralit bërthamor të Zaporizhzhia” dhe i bëri thirrje Rusisë “të lejojë operatorët ukrainas të vazhdojnë të operojnë në mënyrë të sigurt – duke përfshirë lejimin e ndryshimeve të ndërrimit në Zaporizhzhia dhe Chornobyl”.
Në një seri postimesh, Granholm vlerësoi gjithashtu operatorët ukrainas për "jashtëzakonisht të përgjegjshëm në mënyrën se si ata iu përgjigjën sulmit të tmerrshëm të djeshëm duke hequr në mënyrë të sigurt dy nga reaktorët jashtë linje".
Granholm tregoi se një reaktor aktualisht "po funksionon me kapacitet të pjesshëm për të mbajtur rrjetin elektrik të qëndrueshëm".
Granholm gjithashtu tha se si termocentrali bërthamor i Zaporizhzhia "është projektuar për t'i bërë ballë granatimeve ose bombardimeve të konsiderueshme".
20:12 - Rusët përballen me dilemë pasi planet e fshehta dështojnë
Planet fillestare politike të Rusisë për Ukrainën duket se kanë shkuar keq, ashtu si ato të ushtrisë së tyre.
19:29 - SHBA: Sulmi rus në centralin bërthamor ishte i pamatur
Këshilli i Sigurimit i OKB-së është mbledhur në New York pasi shtetet anëtare kërkuan një takim urgjent pas bombardimeve ruse të një centrali bërthamor në Ukrainë që tani është nën kontrollin e saj.
Ndërtesat në termocentralin bërthamor Zaporizhzhia në Ukrainë - më i madhi në Evropë - janë dëmtuar dhe Ukraina thotë se ka të vdekur dhe të plagosur.
Përfaqësuesja e SHBA-së, Linda Thomas-Greenfield, ka thënë në takim se veprimet e Rusisë ishin "të pamatura" dhe "të rrezikshme".
"Bota shmangu për pak një katastrofë bërthamore mbrëmë. Ne të gjithë prisnim të nxirrnim frymën ndërsa shikonim situatën e tmerrshme të shpalosej në kohë reale", thotë ajo.
Ajo thotë se forcat ruse janë 32 km larg nga një tjetër objekti bërthamor dhe se "rreziku i menjëhershëm" vazhdon.
Centrali bërthamor: Sa i rrezikshëm ishte sulmi dhe cili është rreziku në Ukrainë?
19:25 - Zëvendëspresidentja e SHBA-së pritet të dërgohet në Poloni
Shtëpia e Bardhë pritet të dërgojë në Poloni zëvendëspresidenten Kamala Harris, sipas një burimi të CNN.
19:22 - Rusia mirëpret planet për bisedime në Turqi
Ambasadori rus në Kombet e Bashkuara thuhet se ka mirëpritur propozimet që ministrat rusë dhe ukrainas të zhvillojnë bisedime në Turqi javën e ardhshme.
Genadi Gatilov tha se ideja e Turqisë, që ministrat e jashtëm nga Ukraina dhe Rusia të takohen gjatë një forumi diplomatik në Antalia, ishte një ide e mirë.
Raundi i tretë i bisedimeve midis Ukrainës dhe Rusisë është caktuar për këtë fundjavë. Nuk ka pasur shumë përparim në bisedime deri më tani.
19:11 - Rusia bllokon Facebookun
Rusia ka vendosur të bllokojë hyrjen në rrjetin social Facebook, shkruan The Guardian.
18:50 - Serbia kundër Perëndimit, me protesta mbështet Rusinë
Në qendër të Beogradit të premten në mbrëmje një numër i madh serbësh ka dalë për të protestuar në mbështetje të Rusisë, pas pushtimit që ky shtet nisi ndaj Ukrainës.
18:07 - Pse Khersoni dhe Mariupoli janë çelësi i suksesit rus për pushtimin e Ukrainës
Ndërsa trupat ruse në veri dhe lindje të Ukrainës kanë luftuar për të kapur objektiva të rëndësishëm, duke përfshirë kryeqytetin Kiev, avancimi i tyre në Ukrainën jugore duket të jetë më i suksesshëm.
17:58 - Shtatë të vrarë, përfshirë dy fëmijë, nga sulmi ajror rus në Kiev
Një sulm ajror rus në një zonë rezidenciale rurale në rajonin e Kievit vrau të paktën shtatë persona të premten, duke përfshirë dy fëmijë, ka thënë policia shtetërore e Ukrainës në një deklaratë.
Policia tha se sulmi goditi fshatin Markhalivka, rreth 10 kilometra nga periferia jugperëndimore e kryeqytetit.
17:53 - Tre komandantë rusë të vrarë në Ukrainë
Të paktën tre komandantë rusë janë vrarë pasi mendonin se duhej të afroheshin më pranë vijës së frontit, thonë zyrtarët perëndimorë.
17:26 - Pushtimi i Ukrainës, hakmarrje e Putinit për Kosovën
Është vështirë të pranohet që Rusia po beson se presidenti hebre i Ukrainës, Volodymyr Zelensky, është nazist. Për një narrativë më shpjeguese, që shfaq formë logjike të të menduarit të Kremlinit, është më e dobishme të shqyrtohet një tjetër analogji historike shumë e përdorur për luftën e Rusisë në Ukrainë: Kosova dhe bombardimet e NATO-s më 1999 në ish-Jugosllavi, ka shkruar në një opinion për “Foreign Policy”, Jade McGlynn, njohëse e historisë dhe politikave ruse si dhe drejtoreshë e Iniciativës Monterey.
17:24 - Shahistët rusë me apel për Putinin që ta ndalojë luftën
Në një thirrje të hapur drejtuar Vladimir Putinit dhe presidentit të Federatës së Shahut të Rusisë, një numër i madh i mjeshtërve të shquar rusë të këtij sporti kanë bërë thirrje për një armëpushim dhe paqe në Ukrainë.
17:08 - Ukraina i kërkon NATO-s “më shumë sesa armë”
Ministri i Jashtëm ukrainas, Dmytro Kuleba, ka falënderuar vendet në aleancën ushtarake të NATO-s që kanë dërguar municion dhe armë për të ndihmuar në rezistencën ndaj pushtimit rus, por u lut për më shumë ndihmë.
16:59 - Centrali bërthamor: Sa i rrezikshëm ishte sulmi dhe cili është rreziku në Ukrainë?
Ndërtesat në termocentralin bërthamor të Zaporizhzhia në Ukrainë - më i madhi në Evropë - janë dëmtuar pasi u goditën nga bombardimet.
16:16 - Më shumë bisedime Ukrainë-Rusi janë planifikuar gjatë fundjavës
Zyrtarët ukrainas dhe rusë pritet të mbajnë raundin e tretë të bisedimeve këtë fundjavë në përpjekje për t'i dhënë fund luftimeve të shkaktuara nga Moska.
16:00 - Shpërthime në Kiev, dëgjohet sirena e sulmit ajror
Disa shpërthime janë dëgjuar radhazi në Kiev, kryeqyteti i Ukrainës, ka bërë të ditur Reuters një dëshmitar okular.
Po ashtu janë dëgjuar edhe sirenat e sulmit ajror.
Forcat ruse janë të përqendruara në rrethimin e Kievit, ka thënë në një deklaratë të premten Ministria e Mbrojtjes e Ukrainës.
Në deklaratë thuhet se trupat ruse janë “bllokuar dhe ndaluar në zonën e Makarov”, e cila është rreth 60 km larg kryeqytetit ukrainas.
15:41 - Këshilli i Sigurimit i OKB-së thërret takim urgjent për Ukrainën
15:21 - Mbi 330 civilë të vrarë deri më tani në Ukrainë
Zyra për të Drejtat e Njerëzve pranë Kombeve të Bashkuara, ka thënë se 331 civilë janë vrarë deri më tani nga sulmet ruse në Ukrainë.
Sipas kësaj zyre, kanë mbetur të plagosur edhe 675 civilë.
Sulmet ruse në Ukrainë kanë hyrë të premten në ditën e nëntë. Rusia së fundmi ka sulmuar termocentralin më të madh bërthamor të Ukrainës, Zaporizhzhia.
Ky sulm është quajtur krim lufte nga SHBA-ja, derisa edhe shtetet e tjera e kanë quajtur një lëvizje të tillë shumë të rrezikshme, duke kërkuar nga Rusia që t’i ndalë sulmet ndaj termocentraleve bërthamore.
15:19 - NATO refuzon zonën e ndalim-fluturimit mbi Ukrainën
Sekretari i Përgjithshëm i NATO-s, Jens Stoltenberg, ka thënë se organizata ushtarake nuk do të vë një zonë ndalimi të fluturimit mbi Ukrainë dhe po paralajmëron se një veprim i tillë mund të përfundojë në një luftë të përhapur në Evropë, raporton AP.
Duke folur të premten pas kryesimit të një takimi të ministrave të jashtëm të NATO-s, Stoltenberg tha se "ne nuk do të lëvizim në Ukrainë, as në terren, as në hapësirën ajrore të Ukrainës".
Forcat e presidentit rus Vladimir Putin kanë shtuar sulmet e tyre në Ukrainë, duke lëshuar qindra raketa dhe sulme artilerie në qytete dhe duke arritur përfitime të konsiderueshme në jug.
Presidenti ukrainas Volodymyr Zelenskyy i ka bërë thirrje Perëndimit që të zbatojë një zonë ndalimi të fluturimit mbi vendin e tij, së fundmi pas një zjarri gjatë natës në një nga centralet bërthamore të Ukrainës, më i madhi në Evropë.
“E vetmja mënyrë për ta implementuar një zonë ndalim-fluturimi është të dërgohen avionët luftarakë të NATO-s në hapësirën ajrore të Ukrainës, dhe pastaj të vendoset zona e ndalim-fluturimit duke goditur avionët rusë”, ka thënë Stoltenberg.
“Ne e kuptojmë dëshpërimin, por besojmë se nëse e bëjmë këtë, do të përfundojmë me diçka që mund të përfundojë me luftë të plotë në Evropë”.
“Kemi një përgjegjësi si aleancë e NATO-s që të parandalojmë këtë luftë nga eskalimi jashtë Ukrainës”, tha Stoltenberg.
15:02 - Goditet një ndërtesë në Kiev që dyshohet të jetë e banuar me civilë
Është raportuar se rusët kanë goditur një ndërtesë që dyshohet të jetë ndërtesë banimi në Kiev.
Në një video që ka qarkulluar në mediat sociale shihet momenti kur ndërtesa goditet.Goditet një ndërtesë në Kiev që dyshohet të jetë e banuar me civilë
That’s Irpin today.
— Illia Ponomarenko (@IAPonomarenko) March 4, 2022
Russians are just overtly shelling residential blocks. pic.twitter.com/YGM6aKROpZ
14:14 - Stoltenberg paralajmëron se do të vijnë ditë më të këqija për Ukrainën
13:45 - SHBA-ja e quan krim lufte sulmin ndaj termocentralit bërthamor Zaporizhzhia
Ambasada amerikane në Kiev e ka quajtur krim lufte, sulmin rus ndaj termocentralit bërthamor të Zaporizhzhia.
“Është një krim lufte të sulmosh një central bërthamor. Bombardimi i centralit bërthamor më të madh të Evropës nga Putini e çon sundimin e tij të terrorit një hap më tej”, thuhet në reagimin e ambasadës.
It is a war crime to attack a nuclear power plant. Putin's shelling of Europe's largest nuclear plant takes his reign of terror one step further. #TheHague #Zaporizhzhia #StandwithUkraine
— U.S. Embassy Kyiv (@USEmbassyKyiv) March 4, 2022
Tre ukrainas kanë mbetur të vdekur nga sulmi në termocentralin e Zaporizhzhia.
Këtë sulm e kanë dënuar edhe shtetet dhe organizatat e tjera, duke e quajtur një rrezik të madh sulmimin e termocentraleve bërthamore.
13:26 - Putin: Nuk kemi qëllime të këqija kundër fqinjëve tanë
Presidenti i Rusisë, Vladimir Putin ka paralajmëruar ata që kundërshtojnë veprimet e Rusisë në Ukrainë "të mos e përkeqësojnë situatën" duke vendosur më shumë kufizime ndaj vendit të tij.
Këtë deklaratë, Putini e ka bërë në një takim qeveritar të transmetuar në kanalin e lajmeve të kontrolluar nga shteti, Rossiya 24.
"Ne nuk kemi qëllime të këqija kundër fqinjëve tanë”, ka deklaruar Putini.
Ai ka thënë se "nuk ka nevojë" që fqinjët e Rusisë të ndërmarrin veprime të mëtejshme që do t'i "përkeqësojnë marrëdhëniet tona".
"Unë mendoj se të gjithë duhet të mendojnë se si të normalizojnë marrëdhëniet, të bashkëpunojnë normalisht dhe të zhvillojnë marrëdhëniet normalisht," shton ai.
Deklarata e tij vjen në kohën kur ministrat e jashtëm perëndimor janë mbledhur në Bruksel për të shqyrtuar se si ta mbajnë presionin ndaj Rusisë.
Putin gjithashtu ka ripërsëritur pretendimin e tij të mëparshëm se të gjitha veprimet e ndërmarra nga ushtria ruse deri më tani janë bërë "ekskluzivisht në përgjigje të disa veprimeve jomiqësore kundër Federatës Ruse".
13:12 - Ministri i Jashtëm ukrainas i kërkon NATO-s ta ndihmojë Ukrainën
12:53 - Punëtorët e termocentralit po punojnë të kërcënuar nga armët, thotë një zyrtar
Menaxhmenti i termocentralit bërthamor Zaporizhzhia në Enerhodar tani po punon nën kërcënim të armës, ka thënë kompania që drejton këtë stacion.
Petro Kotin ka thënë se forcat ruse “kanë hyrë në territorin e termocentralit bërthamor, kanë marrë kontrollin e personelit dhe menaxhmentit të termocentralit”.
Ai tha se punëtorët kishin shkuar në mëngjes për të filluar punën.
12:29 - Këshilltari ukrainas: Qyteti Mikolaiv i reziston avancimit rus
Trupat ruse, që kanë avancuar në qytetin jugor ukrainas, Mikolaiv, janë ndaluar, ka thënë një këshilltar i Presidencës ukrainase, raporton REL.
Kjo deklaratë e tij vjen jo shumë gjatë pasi kryetari lokal ka thënë se trupat ruse janë duke hyrë në qytet, i cili njihet për portin e rëndësishëm në Detin e Zi.
12:22 - Putini u bën thirrje vendeve që t'i normalizojnë marrëdhëniet me Rusinë
12:12 - Borrell: Sulmet në afërsi të termocentraleve bërthamore të ndalen menjëherë
Shefi i politikës së jashtme të BE-së Josep Borrell ka shprehur mbështetjen e tij për një takim urgjent të Këshillit të Sigurimit të OKB-së, pas një sulmi ndaj centralit bërthamor të Zaporizhzhia të Ukrainës nga forcat ruse, duke paralajmëruar se sulme të tilla mund të kenë pasoja "katastrofike
12:01 - Kryqi i Kuq: Ukraina në krizë humanitare
Komiteti Ndërkombëtar i Kryqit të Kuq po paralajmëron se Ukraina përballet me një "krizë shkatërruese humanitare" pasi shifrat e viktimave po rriten dhe spitalet luftojnë për ta përballuar.
Në një deklaratë nga Gjeneva, KNKK thotë se qasja për të përmbushur mandatin e saj sipas Konventave të Gjenevës duhet të jepet tani dhe "të mos vonohet deri në një armëpushim të mundshëm në të ardhmen".
Deklarata parashtron detyrimet e palëve ndërluftuese sipas Konventave të Gjenevës, duke përfshirë ndalimin e sulmeve ndaj civilëve dhe infrastrukturës civile, qasjen në kujdesin shëndetësor, mbrojtjen e punonjësve shëndetësorë, mbrojtjen e të plagosurve ose të burgosurve dhe qasjen e KNKK-së ndaj atyre i ndaluar.
11:50 - Tre ukrainas të vrarë nga sulmi në termocentralin Zaporizhzhia
Tre ukrainas janë vrarë dhe dy të tjerë janë plagosur si pasojë e sulmit rus në termocentralin bërthamor të Zaporizhzhias, të premten në mëngjes.
Lajmin e ka bërë të ditur kompania shtetërore bërthamore e Ukrainës.
Më herët, Rafael Mariano Grossi, drejtor i përgjithshëm i Agjencisë Ndërkombëtare të Energjisë Atomike, konfirmoi se asnjë material bërthamor nuk kishte rrjedhur nga sulmin ajror.
Ai këmbënguli se sulmi nuk preku asnjë nga gjashtë reaktorët e termocentralit, por shkaktoi një zjarr në një objekt trajnimi afër tyre.
Grossi tha se situata mbetet "e paqëndrueshme" në Zaporizhzhia, megjithëse stafi ukrainas mbetet në dhomën e kontroll.
11:26 - Trupat ruse po hyjnë në Mykolaiv, qytet me gjysmë milioni banorë
Kryebashkiaku i qytetit Mykolaiv ka thënë se trupat ruse po hyjnë në qytetin e tij.
Ky paralajmërim vjen pasi forcat ruse pretenduan se kishin kapur qytetin Kherson, vetëm një orë larg në bregun jugor.
Mykolaiv ka një popullsi prej rreth gjysmë milioni njerëz.
11:26 - Zelensky: Ndikimi pas sulmit në termocentralin bërthamor mund të ishte sa gjashtë shpërthime të Çernobilit
Presidenti i Ukrainës, Volodymyr Zelensky, ka thënë se sulmi rus në termocentralin bërthamor Zaporizhzhya mund të kishte shkaktuar shkatërrim të barabartë me “gjashtë Çernobilë”.
Ai filloi adresimin televiziv me fjalët: “Njerëz të Ukrainës! Ne i mbijetuam natës që mund të kishte ndalur rrjedhën e historisë – historia e Ukrainës, historia e Evropës”.
Ai ka thënë se Rusia e dinte çfarë po bënte kur gjuajti raketat direkt në stacion dhe e quajti atë veprime “terrorist të një niveli të padëgjuar”.
“Si është e mundur kjo? A nuk luftuam pasojat e katastrofës së Çernobilit bashkë më 1986”.
Ai nxiti qytetarët rusë që të dalin në rrugë kundër qeverisë dhe t’i thonë se duan të jetojnë.
11:16 - Forcat ruse janë përqendruar në rrethimin e Kievit
Forcat ruse janë të përqendruara në rrethimin e Kievit, ka thënë në një deklaratë të premten Ministria e Mbrojtjes e Ukrainës.
Në deklaratë thuhet se trupat ruse janë “bllokuar dhe ndaluar në zonën e Makarov”, e cila është rreth 60 km larg kryeqytetit ukrainas.
Ministria ka thënë se forcat e armatosura të Rusisë kanë shteruar shumicën e rezervave të tyre operacionale dhe kanë filluar "përgatitjet për transferimin e forcave dhe burimeve shtesë nga rrethet ushtarake jugore dhe lindore".
Presidenti rus Vladimir Putin ka thënë të enjten se lufta në Ukrainë "po shkonte sipas planit", pavarësisht vlerësimeve nga vendet e tjera se pushtimi i Kremlinit nuk ka shkuar sipas planit.
Ministria e Mbrojtjes e Ukrainës ka thënë se forcat ruse vazhdojnë të përgatiten për zbarkim në brigjet e Detit të Zi.
11:13 - Lukashenko: Forcat bjelloruse nuk marrin pjesë në pushtimin e Ukrainës
10:54 - Situatë e tensionuar në qytetin ku ndodhet termocentrali Zaporizhzhia
Kryetari i qytetit ku ndodhet termocentrali bërthamor i Zaporizhzhia, Dmytro Orlov, ka thënë se situata atje është "jashtëzakonisht e tensionuar"
Kryebashkiaku i qytetit të Enerhodar, ku ndodhet termocentrali bërthamor i Zaporizhzhia, ka thënë të premten se qyteti aktualisht nuk ka ngrohje për shkak të dëmtimit nga granatimet.
"Për shkak të dëmtimit të rrjetit të ngrohjes gjatë bombardimeve gjatë natës, Enerhodar nuk ka ngrohje. Aktualisht jemi duke punuar në restaurimin e tij", ka thënë Orlov.
Orlov ka shtuar se ata që kaluan natën në strehimore mund të kthehen në shtëpi, por rekomandoi që të shmangin kalimin e kohës jashtë për shkak të "situatës jashtëzakonisht të tensionuar".
"Sa i përket situatës në vetë qytetin, tani rrugët janë të qeta, nuk vërehet asnjë i panjohur. Ata që kanë qëndruar natën në strehimore, mund të ktheheni në shtëpi. Megjithatë, për shkak të situatës jashtëzakonisht të tensionuar aty pranë, ju rekomandojmë të shpenzoni më pak kohë jashtë dhe qëndroni në shtëpi”, ka shkruar Orlov në faqen e tij zyrtare në Facebook.
10:35 - Mariupoli i kërkon NATO-s të dërgojë trupa ushtarake
Nënkryetari i qytetit të Mariupolit në Ukrainë ka thirrur liderët e NATO-s që të dërgojnë trupa në Ukranë, duke thënë se Rusia nuk do të ndalojë derisa ta bëjë vendin një shkretëtirë dhe të vrasë civilë. Sergei Orlov i tha BBC-së se nuk ka mënyrë tjetër për ta ndaluar Rusinë.
“Nuk ka asnjë mënyrë që të ndalet Putini nga vrasja nga qielli e civilëve tanë derisa NATO-ja të zgjohet dhe të kuptojë se nuk është konflikt rajonal – është luftë kundër demokracisë, kundër lirisë, kundër njërës prej kombeve më të mëdha evropiane”.
“Duket sikur liderët e NATO-s nuk e kuptojnë se Putini nuk të ndalojë, ata janë të frikësuar dhe kjo është për keqardhje. Presim që një ditë liderët e NATO-s ta kuptojnë se është tepër e nevojshme të ofrojnë mbështetje direkte ushtarake për Ukrainën që të ndalet Putini ose të paktën ta mbyllë qiellin tonë për të na mbrojtur nga kërcënimi nga qielli”.
Mariupolo është goditur rëndë nga rusët, ndërsa banorët kanë mbetur edhe pa energji elektrike e pa ujë.
10:25 - Zelensky: Vetëm një zonë ndalim-fluturimi mund ta ndalë Rusinë
Presidenti ukrainas, Volodymyr Zelensky, ka dhënë një fjalim video këtë mëngjes, duke iu përgjigjur situatës në termocentralin bërthamor të Zaporizhzhia gjatë natës.
Stacioni më i madh bërthamor i Evropës u dogj pas "granatimeve ruse" dhe mësohet se aktualisht është nën kontrollin rus.
Zelensky ka thënë se mënyra e vetme për të garantuar se Rusia nuk do të bombardojë infrastrukturën bërthamore është krijimi i një zone ndalim-fluturimi mbi Ukrainë.
Udhëheqësit perëndimorë hezitojnë ta bëjnë këtë, me kryeministrin britanik, Boris Johnson, duke paralajmëruar se kjo në mënyrë efektive do të nënkuptonte pranimin për të rrëzuar avionët rusë.
Zelensky gjithashtu sot u bëri thirrje rusëve që të vazhdojnë të protestojnë kundër pushtimit, i cili ka hyrë në javën e dytë.
Ai pretendon se Moska synon qëllimisht infrastrukturën dhe zonat e banuara të Ukrainës, me Mariupol, Kherson, Kharkiv dhe Chernihiv nën sulm.
Udhëheqësi ukrainas pretendon se 9,200 ushtarakë rusë janë vrarë në konflikt deri më tani. Ky është shumë më i lartë se numri i cituar nga Rusia, që është 498.
10:13 - Shkon në 47 numri i të vdekurve nga sulmet ajrore në Chernihiv
Diku 47 persona janë vrarë në sulmet ajrore ruse në një lagje banimi në Chernihiv të Ukrainën, kanë thënë autoritetet lokale.
Njoftimi i fundit thoshte se ishin 33 të vrarë atje, raporton Reuters.
Ekipet e shpëtimit u detyruan të ndalonin operacionin për shkak të bombardimeve të rënda në qytet.
10:12 - Kërkohet që NATO të diskutojë të gjithë skenarët për ta ndaluar luftën në Ukrainë
09:50 - Blinken: Ne nuk kërkojmë konflikt, por jemi gati nëse vjen tek ne
Sekretari amerikan i shtetit, Antony Blinken, ka thënë se NATO-ja nuk po kërkon konflikt, por ka shtuar se nëse konflikti vjen tek shtetet e NATO-s, atëherë shtetet anëtare janë të gatshme të mbrohen.
09:30 - Zelensky u ka shpëtuar tri atentateve javën e kaluar
Presidenti i Ukrainës, Volodymyr Zelensky, u ka shpëtuar tri atentateve për vrasje, javën e kaluar.
Dy ekipe të ndryshme për të vrarë Zelenskyn janë dërguar nga mercenarë të grupit Wagner të mbështetur nga Kremlini dhe forcat speciale çeçene, raporton The Times.
Të dy janë penguar nga elementë kundër luftës brenda Shërbimit Federal të Sigurisë së Rusisë (FSB).
08:43 - Rusia ka shterur shumicën e rezervave të saj operacionale, pretendon Ukraina
08:29 - Pengesa antitank në qendër të Kievit
Autoritetet ukrainase kanë vendosur pengesa antitank në qendër të Kiveit.
Pengesat janë vendosur saktësisht në sheshin qendror të Pavarësisë dhe në rrugën Khreshchatyk.
Sulmet ruse në Ukrainë kanë hyrë në ditën e nëntë, ndërkohë që mëngjesin e së premtes, ushtria ruse ka pushtuar centralin më të madh bërthamor të Ukrainës, Zaporizhzhia.
08:20 - Mariupoli ende nën kontrollin e Ukrainës
Ministria e Mbrojtjes e Ukrainës ka publikuar një përditësim të inteligjencës mbi luftën në Ukrainë këtë mëngjes.
Kjo ministri ka bërë të ditur se qyteti i Mariupolit "mbetet nën kontrollin ukrainas, por ka të ngjarë të jetë i rrethuar nga forcat ruse", pas raportimeve për granatimet e pamëshirshme.
Ministria e Mbrojtjes shtoi se qyteti i është nënshtruar sulmeve intensive ruse.
Përditësimi përsëriti se "nivelet e rrezatimit mbetën brenda kufijve normalë" pas një sulmi në termocentralin bërthamor Zaporizhzhia në Ukrainë.
Latest Defence Intelligence update on the situation in Ukraine - 04 March 2022
— Ministry of Defence ?? (@DefenceHQ) March 4, 2022
Find out more about the UK government's response: https://t.co/vHxz2SoCNW
?? #StandWithUkraine ?? pic.twitter.com/zzFeOi729Y
08:18 - Nivelet e rrezatimit në termocentralin bërthamor të Ukrainës të njëjta, thonë zyrtarët
Pajisjet thelbësore në termocentralin bërthamor Zaporizhzhia nuk janë prekur nga një zjarr i mëparshëm, pa asnjë ndryshim në nivelet e rrezatimit, ka thënë Agjencia Ndërkombëtare e Energjisë Atomike (IAEA), duke cituar autoritetet rregullatore të Ukrainës.
"Autoriteti rregullator i Ukrainës tha se një zjarr në vend nuk kishte prekur pajisjet 'thelbësore' dhe personeli i uzinës po merrte veprime lehtësuese", tha ai. “Nuk ka pasur asnjë ndryshim të raportuar në nivelet e rrezatimit në central, tha ai”.
Sekretarja amerikane e Energjisë, Jennifer Granholm, më herët dha më shumë siguri rreth reaktorëve në termocentral, duke konfirmuar se kishte folur me ministrin e energjisë të Ukrainës, Herman Galushchenko.
08:06 - Ushtria ruse ka pushtuar centralin bërthamor të Zaporizhzhias
Trupat ruse kanë pushtuar termocentralin bërthamor të Zaporizhzhia, thonë autoritetet ukrainase.
"Personeli operativ po monitoron gjendjen e njësive të energjisë”, ka thënë një autoritet lokal në mediat sociale, cituar nga agjencia e lajmeve Reuters.
Personeli i stacionit vazhdon të punojë dhe të monitorojë gjendjen e njësive të energjisë, ka bërë të ditur ai.
Një zjarr shpërtheu mëngjesin e së premtes në fabrikën më të madhe në Evropë më, pas një sulmi me granatime ruse.
Ndërkohë ka reaguar edhe NATO. Sekretari gjeneral Jens Stoltenberg ka dënnuar veprimet e Rusisë në Ukrainë, përfshirë atë në termocentralin bërthamor.
07:33 - Zelensky thirrje evropianëve: Ju lutem zgjohuni
07:27 - Shuhet zjarri në centralin bërthamor, s’ka viktima
Shërbimet e urgjencës në Ukrainë kanë thënë se kanë arritur të shuajnë zjarrin në termocentralin bërthamor të Zaporizhzhyas.
“Në orën 06:20 zjarri në godinën stërvitore të NPP Zaporizhzhya në Energodar është shuar. Nuk ka viktima”, shkruan Shërbimi Shtetëror i Emergjencave në llogaritë e tyre në rrjetet sociale.
07:20 - Sulmohet centrali më i madh bërthamor në Ukrainë
Centrali më i madh bërthamor në Ukrainë është sulmuar në orët e para të së premtes nga ushtria ruse.
Presidenti i Ukrainës, Volodymyr Zelensky, ka kërkuar "veprim të menjëhershëm" nga bota mes sulmeve ruse në centralin më të madh bërthamor të Evropës.
“Centrali më i madh bërthamore në Evropë është në zjarr tani”, ka thënë Zelensky në një video të postuar në Tëitter.
Ai ka akuzuar rusët se qëlluan qëllimisht në gjashtë reaktorët e uzinës Zaporizhzhia duke përdorur tanke të pajisur me imazhe termike.
Duke thirrur "katastrofën globale" në Chernobyl në 1986, ai paralajmëroi se pasojat e një shkrirjeje në Zaporizhzhia do të ishin shumë më të këqija.
"Evropianët, zgjohuni të lutem. Thuajuni politikanëve tuaj se forcat ruse po qëllojnë në centralin bërthamor në Ukrainë," u lut ai.
Zelensky ka shtuar se ai kishte qenë në kontakt me liderët nga SHBA, Britania e Madhe, BE, Gjermania dhe Polonia, si dhe Agjencia Ndërkombëtare e Energjisë Atomike, por u bëri thirrje qytetarëve të zakonshëm që të ngrenë alarmin edhe me politikanët e tyre.
"Propaganda ruse ka paralajmëruar në të kaluarën se do të mbulonte botën me hirin bërthamor. Tani ky nuk është vetëm një paralajmërim, por është real”, ka shtuar Zelensky.
