Shtatë persona, përfshirë tre fëmijë, janë vrarë në një sulm rus në qytetin perëndimor ukrainas Lviv, ka njoftuar kryebashkiaku Andriy Sadovy, raporton “BBC”
Rusia ka vazhduar valën e sulmeve me raketa në Ukrainë. Vetëm një ditë më parë në një sulm në qytetin Poltava u vranë 51 persona e u lënduan mbi 200 tjerë.
Kryebashkiaku i Lvivit, Sadovy ka thënë se Rusia sulmoi qytetin me dronë dhe raketa hipersonike të mërkurën. Në mesin e të vrarëve është një foshnjë, një vajzë 14-vjeçare dhe një punonjëse shëndetësore.
Shpërthime janë dëgjuar edhe në kryeqendër Kiev, ndërsa mbrojtja ajrore ukrainase shënjestroi raketat ruse.
Ndërkohë pesë persona janë raportuar të lënduar pasi ndërtesat janë goditur në qytetin Kryvyy Rih.
Ushtria e Ukrainës ka thënë se gjithë qyteti është vendosur në një gjendje gatishmërie nga sulmet e mundshme ajrore.
Sulme të reja në Ukrainë, të paktën dy të vdekur
Të paktën dy persona janë vrarë dhe 20 tjerë janë lënduar në një sulm ajror në qytetin perëndimor ukrainas Lviv, ka njoftuar guvernatori rajonal Maksym Kozystskyi, raporton “BBC”.
Kryebashkiaku i qytetit Andryi Sadovy ka thënë se një numër i ndërtesave janë përfshirë nga zjarri, ndërsa dy shkolla do të mbesin të mbyllura të mërkurën si rezultat i sulmeve.
Shpërthime janë dëgjuar edhe në kryeqendër Kiev në orët e hershme të së mërkurës, ndërsa mbrojtja ajrore tentoi të rrëzonte raketat ruse.
Ushtria e Ukrainës ka thënë se i gjithë vendi është vendosur në një gjendje gatishmërie nga sulmet e mundshme ajrore ruse.
Sulmet e fundit vijnë vetëm një ditë pasi 51 persona u vranë nga një sulm ajror rus në qyteti Poltava.
Presidenti i Ukrainës, Volodymyr Zelensky, ka thënë se Rusia do të paguajë për sulmet dhe i ka përsëritur thirrjet për më teprë mbrojtje ajrore për Ukrainën e po ashtu për leje që t’i përdorë raketat me rreze të gjata veprimi për sulme në territorin rus.
