Autoritetet turke bënë të ditur të mërkurën se një sulm vdekjeprurës u krye në selinë e Industrisë Turke të Hapësirës Ajrore (TUSAS) pranë Ankarasë, ndërsa mediat raportuan për një shpërthim të madh në vend.
“Një sulm terrorist u krye kundër objekteve të TUSAS në Kahramankazan, Ankara. Fatkeqësisht, kemi persona të vdekur dhe të plagosur”, shkroi ministri i Brendshëm Ali Yerlikaya në rrjetin social X, raporton Reuters.
Ende nuk dihet shkaku i shpërthimit dhe të shtënave që pasuan, por disa media raportuan se kishte ndodhur një sulm vetëvrasës. Shërbimet e urgjencës u dërguan në vendngjarje, njoftoi agjencia shtetërore Anadolu.
TUSAS është një nga kompanitë më të rëndësishme të mbrojtjes dhe aviacionit të Turqisë. Ajo prodhon “KAAN”, avionin e parë luftarak kombëtar të vendit, ndër projekte të tjera.
Të paktën 5 të vdekur e 14 të plagosur nga sulmi terrorist mbi kompaninë e aviacionit në Ankara
Persona të armatosur sulmuan selinë e kompanisë shtetërore të hapësirës ajrore në afërsi të kryeqytetit turk, Ankara, duke i lënë të vrarë të paktën pesë dhe të plagosur 14 persona, në atë që autoritetet e kualifikuan si sulm terrorist.
Ministri i Brendshëm turk, Ali Yerlikaya, nëpërmjet një postim në rrjete sociale, bëri të ditur se dy nga sulmuesit, që e morën në shënjestër selinë e Industrisë turke të Hapësirës Ajrore në Kahramankazan, janë neutralizuar.
“Një sulm terrorist u krye kundër objekteve TUSAS të Ankarasë, në Kahramankazan. Dy terroristë u neutralizuan”, ka shkruar ai.
Sulmin e ka kualifikuar terrorist edhe presidenti Recep Tayyip Erdogan, që në momentin kur ai ndodhi ka marrë pjesë në konferencën e BRICS-it në qytetin rus Kazan, bashkë me presidentin rus Vladimir Putin.
“Katër persona, katër dëshmorë vdiqën, 14 persona u plagosën. Është ky një akt terrorist tinëzar. Uroj që Allahu t’i presë shpirtrat e dëshmorëve tanë”, ka deklaruar Erdogan para së të konfirmohej që një person i pestë ka vdekur.
Motivi dhe kryerësit e sulmit, të nisur me shpërthim e të pasuar me të shtëna armësh, ende nuk dihen. Asnjë grup ende nuk e ka marrë përgjegjësinë për sulmin.
Zyra e prokurorit publik në Ankara ka nisur menjëherë hetimet lidhur me sulmin, bëri të ditur ministri i Drejtësisë, Yilmaz Tunç.
Mediat turke raportuan se sulmi ka ndodhur pasi dy militantë mbërritën në selinë e kompanisë TUSAS nëpërmjet taksisë. Sipas tyre, njëri nga sulmuesit e ka hedhur veten në erë teksa tjetri ka qëlluar me armë zjarri në drejtim të rojeve të sigurisë së kompleksit.
Pamjet nga kamerat e vëzhgimit brenda një ndërtese treguan dy sulmues, një burrë dhe një grua, me çanta shpine dhe pushkë tek qëndronin pranë hyrjes dhe një trup të shtrirë në trotuar jashtë.
Gjatë viteve të fundit, Turqia është përballur me sulme të shpeshta të këtilla, që janë ndërmarrë kryesisht ose nga separatistë kurdë ose nga xhihadistë të Shtetit Islamik.
“Sulm terrorist” në Turqi, raportohet se të armatosurit kanë marrë pengje
Photo: Associated Press
Ministri i Brendshëm i Turqisë e ka cilësuar si terrorist sulmin në selinë e kompanisë së mbrojtjes dhe hapësirës ajrore të shtetit, “Tusas”, jashtë Ankarasë të mërkurën. Disa të vdekur janë raportuar nga ky sulm.
Ministri Ali Yerlikaya ka njoftuar se “dy terroristë janë neutralizuar”, ndërsa katër persona kanë vdekur e 14 janë të lënduar.
Media turke “Haberturk TV” ka raportuar se një shpërthim i madh është dëgjuar jashtë ndërtesës pasdite ndërkohë që ka pasur edhe të shtëna me armë zjarri. Sipas medias, po mbahen edhe pengje.
“Një sulm terrorist u krye kundër ndërtesës së Tusas në Kahramankazan, Ankara”, ka shkruar Yerlikaya.
Nuk ka informacione rreth shpërthimit apo të armatosurve, por disa media të tjera kanë raportuar se bëhet fjalë për sulm vetëvrasës. Sipas tyre, sulmi u nis nga disa të armatosur që shkuan te ndërtesa me taksi, me pamje që kanë treguar personat e veshur me të zeza duke gjuajtur mbi kalimtarët.
🇹🇷 | #Turkey: A terrorist attack occurred at the TUSAŞ/Turkish Aerospace Industries aerospace & defense plant in Ankara, Turkish MFA informed.
Casualties reported.
There was at least one explosion and audible gunfire in the area. pic.twitter.com/7abQlfaJqL— Status-6 (Military & Conflict News) (@Archer83Able) October 23, 2024
🇹🇷 Close-up footage from a security camera showing the terrorists arriving at the TUSAŞ facility in Ankara.#Ankara #Turkey #Turkiye pic.twitter.com/Jenncz7Tts
— 𝕏 𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 (@cheguwera) October 23, 2024
