Ka shkuar në 22 numri i të vrarëve nga bombardimet në qytetin Sumy, përfshirë edhe tre fëmijë.
Kryetari i Sumyt, Dmytro Zhyvytski, ka thënë se Rusia ka bombarduar një zonë të banuar me civilë, duke e përshkruar incidentin si “vrasje në masë”.
Ai ka thënë se janë lëshuar tri bomba gjatë natës duke shtuar se “ishte natë e tmerrshme”.
Nëntë persona janë vrarë në shtëpitë e tyre. Gjashtë shtëpi janë shkatërruar komplet dhe 20 të tjera janë pothuajse tërësisht të shkatërruara.
Deri tash 5000 persona janë evakuuar nga Sumy, pasi Rusia ka pranuar të ndalë përkohësisht bombardimet e qytetit duke lejuar një korridor humanitar.
