SHBA-ja do ta ruajë praninë në Sirinë lindore, thotë Pentagoni

Pentagoni ka thënë se SHBA-ja do të mbajë një prani në Sirinë lindore dhe do të ndërmarrë hapat e duhur për të parandaluar rilindjen e Shtetit Islamik.

Zëvendësndihmës sekretari i Mbrojtjes për Lindjen e Mesme, Daniel Shapiro, bëri thirrje gjithashtu që civilët, veçanërisht pakicat, të mbrohen dhe që e drejta ndërkombëtare të respektohet nga të gjitha palët, sipas Sky News.

Ambasadori amerikan, Robert Wood ka thënë javën e kaluar se pozicionet dhe personeli ushtarak amerikan në Sirinë verilindore mbeten thelbësore për të siguruar që Shteti Islamik të mos ringjallet kurrë.

Trupat amerikane janë vendosur gjithashtu në Tanf të Sirisë pranë kryqëzimit të kufijve të Jordanisë dhe Irakut, ku ata mbështesin një forcë rebele siriane për të luftuar Shtetin Islamik në zonë.

Qeveria e Asadit i shihte forcat amerikane si pushtuese. 

Rreth 900 trupa amerikane ndodhen aktualisht në vend, kryesisht në verilindje.