Rusia lansoi disa valë të sulmeve me dronë në Kiev në natën e dytë rresht, është njoftuar nga autoritetet ukrainase, raporton BBC.
Serhiy Popko, kreu i administratës ushtarake të Kievit, ka thënë se sistemi i mbrojtjes ajrore të Ukrainës rrëzoi dhjetë dronë në Kiev dhe periferi të tij.
Nuk raportohet për ndonjë dëm të madh apo viktima, ka thënë ai.
E autoritetet ruse kanë thënë se një dron ukrainas që ishte nisur për në Moskë është rrëzuar të shtunën.
Ministria e Mbrojtjes e Rusisë ka thënë se një dron ukrainas është rrëzuar në Bogorodsky në verilindje të Moskës.
Kryetari i Moskës, Sergei Sobyanin, ka shtuar se nuk ka pasur dëme apo viktima.
Sulmet ajrore të së dielës ndaj Kievit i kanë pasuar sulmet e një nate më parë, ku Kievi tha se ka rrëzuar 29 nga 38 dronët iranianë “Shahed” që ishin lansuar nga Rusia.
Të shtunën, presidenti i Ukrainës, Volodymyr Zelensky, ka përgëzuar forcat ajrore ukrainase
“Saktësia e juaj djelmosha është jetë për Ukrainën”, ka thënë Zelensky.
Por, Zelensky ka paralajmëruar se me t’u afruar dimri Rusia do t’i bëjë sulmet më të fuqishme.
