Roberta Metsola rizgjidhet presidente e Parlamentit Evropian

Roberta Metsola është rizgjedhur të martën si presidente e Parlamentit Evropian për një mandat dyvjeçar e gjysmë.

Metsola nga Partia Popullore Evropiane (EPP) e cila mori detyrën në janar të vitit 2022, u përball vetëm me një kundërshtar nga e majta, raporton AP.

Ajo mori 562 vota nga 720, duke siguruar rizgjedhjen e saj në rundin e parë.

Para rizgjedhjes Metsola ka thënë se sfidat që e presin Evropën, do të kërkojnë udhëheqje të fortë.

"Dua të ndihmoj për të kapërcyer boshllëqet e mbetura midis asaj që njerëzit presin nga Evropa dhe asaj që ne mund të ofrojmë. Kështu që unë jam këtu për të kërkuar besimin dhe votën tuaj për të na lejuar të vazhdojmë së bashku për dy vjetët e gjysmë.. Sfidat që na vijnë do të kërkojnë udhëheqje të fortë, pavarësisht nëse bëhet fjalë për shtyrjen përpara të legjislacionit për të cilin njerëzit kanë nevojë nga ne, duke negociuar me institucionet e tjera”, ka thënë Metsola.