Mediat siriane kanë raportuar të shtunën në mbrëmje se Izraeli ka qëlluar me sulme ajrore Aeroportin Ndërkombëtar të Aleppos.
Bombardimet mësohet se kanë ndodhur në pistën e aeroportit që u riparua sot, pas dëmeve të pësuara kur Izraeli e bombardoi fillimisht të enjten.
Në anën tjetër, mediat izraelite kanë raportuar orë më parë se dy raketa të lëshuara nga territori i Sirisë ishin nisur drejt Izraelit.
Siç ka raportuar “Reuters”, Izraeli pretendon se me këto sulme mund ta ndalë furnizimin iranian te Hamasi, nëpërmjet Sirisë.
