Dy qytetet më të mëdha të Ukrainës u sulmuan nga raketat balistike hipersonike ruse të martën në mëngjes, duke lënë të vdekur të paktën katër persona dhe duke plagosur pothuajse 100 të tjerë.
Presidenti i Ukrainës, Volodymyr Zelenskyy, ka njoftuar në kanalin e tij Telegram se katër civilë u vranë dhe 92 u plagosën në kryeqytetin Kiev dhe në verilindje të Kharkivit, pasi raketat hipersonike Kinzhal u përplasën nëpër blloqe të qyteteve.
Rusia ka lëshuar pothuajse 100 raketa të llojeve të ndryshme, ka bërë të ditur Zelenskyy.
Ai pretendon se të paktën 70 raketa u rrëzuan, pothuajse të gjitha në zonën e Kievit dhe tha se sistemet e mbrojtjes ajrore të furnizuara nga Perëndimi, si Patriots dhe NASAMS, kanë shpëtuar qindra jetë.
