Presidenti rus, Vladimir Putin, ka thënë të martën se Ukraina duhet të mbajë zgjedhje presidenciale, për shkak të skadimit të mandatit pesë vjeçar të presidentit, Volodymyr Zelensky.
Zelensky nuk është përballur me zgjedhje pavarësisht se i ka skaduar mandati, diçka që ai dhe aleatët e Kievit e konsiderojnë vendimin e duhur në kohë lufte, raporton Reuters.
Mirëpo Putini ka thënë se autoriteti i vetëm legjitim në Ukrainë tani është parlamenti, dhe se kreut të tij duhet t’i kalohet pushteti.
