Presidenti rus, Vladimir Putin, raportohet se i ka thënë Iranit që t’i shmangë viktimat civile në sulmin hakmarrës të paralajmëruar ndaj Izraelit pas vrasjes së liderit politik të Hamasit, Ismail Haniyeh.
Kësaj thirrjeje me gjasë do t’i bëhet jehonë nga shumë ministra të jashtëm nga 57 shtetet brenda Organizatës së Bashkëpunimit Islamik në një takim në Jeddah të mërkurën ndërsa tensionet në Lindjen e Mesme rriten.
Takimi – i thirrur nga Irani dhe Pakistani – do të prodhojë një dënim unanim ndaj vrasjes së Haniyehut si akt përshkallëzues dhe i jashtëligjshëm, por diplomatët iranianë po ashtu do të punojnë për të shmangur veten nga të lënit i izoluar nga shtetet e Gjirit Persik.
Paralajmërimi nga Putini, një aleat i afërt i Iranit, thuhet se u lëshua nga Sergei Shoigu, sekretar i Këshillit të Sigurisë i Rusisë. Thirrja e tij nënvizon shqetësimin e Rusisë se përgjigja e Iranit për vrasjen e Haniyehut mund të dalë nga kontrolli.
