-
Përktheu:
Flutura Gashi-Mehmeti
- 9 qershor 2024 20:12
- Shpërndaje në:
Partitë e ekstremit të djathtë kanë fituar shumë në Parlamentin Evropian pasi të Gjelbërit morën një goditje të madhe në zgjedhjet evropiane të së dielës, sipas një projeksioni të parë të ofruar nga BE-ja të dielën në mbrëmje.
Vlerësimet e grumbulluara nga Parlamenti i BE-së bazohen në sondazhet e daljes ose në të dhëna të tjera të sondazheve.
Dy grupet kryesore dhe proevropiane, konservatorët dhe socialistët, humbën disa vende, por mbetën forcat dominuese. Të Gjelbrit pritet të humbin rreth 20 vende.
Sipas vlerësimeve të para, e djathta ekstreme do të ketë fitime në legjislaturë, të mbështetur nga rezultatet në Francë dhe Gjermani, duke lënë të Gjelbërit të marrin goditjen më të rëndë.
Partia e Marine le Pen dominoi sondazhet në Francë, me partinë e saj, Rally National, që qëndron në pak më shumë se 30% ose rreth dy herë më shumë se partia centriste proevropiane e Presidentit Emmanuel Macron, që parashihet të arrijë rreth 15%.
Exit pollet në Gjermani dhe Holandë flasin për fitore të së djathtës në zgjedhjet për PE-në.
Në Gjermani, mburoja për ambientalistët, të Gjelbrit, u parashikua të binte nga 20% në 12%, me më shumë humbje që priten në Francë dhe në disa vende të tjera të BE-së. Humbja e tyre mund të ketë një ndikim në politikat e përgjithshme të BE-së për ndryshimet klimatike që ende dallohen si më progresive në të gjithë globin.
Blloku kristiandemokrat i qendrës së djathtë i presidentes së Komisionit të BE-së, Ursula von der Leyen, e cila tashmë ka dobësuar kredencialet e saj të gjelbra përpara zgjedhjeve, dominoi në vendin më të populluar të BE-së me pothuajse 30%, duke mposhtur Partinë Socialdemokrate të kancelarit Olaf Scholz, e cila ra në 14%, edhe pas ekstremit të djathtë Alternativa për Gjermaninë.
Projeksionet nga transmetuesit publikë gjermanë ARD dhe ZDF treguan se Alternativa për Gjermaninë, ose AfD, u rrit në 16.5% nga 11% në 2019.
Votimi do të vazhdojë në Itali deri në orët e vona të mbrëmjes dhe shumë nga 27 vendet anëtare nuk kanë publikuar ende asnjë projeksion. Megjithatë, exit pollet dhe projeksionet konfirmuan parashikimet e mëparshme: ushtrimi masiv i BE-së në demokraci pritet ta zhvendosë bllokun në të djathtë dhe të ridrejtojë të ardhmen e tij
