Një politikane veterane kroate e Bosnjës ka marrë mandat zyrtar për të formuar një qeveri të re të mërkurën, duke e pozicionuar atë të bëhet kryeministrja e parë grua në historinë e shtetit ballkanik.
Borjana Kristo ka 35 ditë për të formuar kabinetin, raportoi AP-ja.
Deputetët nga 10 parti politike që bashkë fituan 24 ulëse pavarësisht dallimeve politike, u pajtuan që qeveria me koalicionin multi-etnik të drejtohej nga Kristo, e cila mbajti poste legjislative dhe ekzekutive për gati tre dekada në politikë.
Koalicioni, siç mandatohet nga Kushtetuta e Bosnjës, përfshin përfaqësues të tri grupeve kryesore etnike – boshnjakë, kroatë dhe serbë.
Për herë të parë në më shumë se një dekadë, shumica qeverisëse përjashton partinë kryesore nacionaliste boshnjake, SDA. Ajo ende përfshin partitë nacionaliste kroate dhe serbe të rrënjosura prej kohësh, HDZ dhe SNSD të Kristos, të udhëhequra nga politikani pro-rus serb, Milorad Dodik.
Megjithatë, si pjesë e marrëveshjes së koalicionit, dy të fundit u zotuan të përqendrohen në çështjet themelore në vend që të nxisin tensionet etnike që nuk janë larg sipërfaqes që nga fundi i luftës brutale ndëretnike të Bosnjës në vitet 1992-95.
