Agjencia e lajmeve Politico ka raportuar se presidenti i Shteteve të Bashkuara të Amerikës, Donald Trump, u ka thënë anëtarëve të kabinetit të tij dhe personave të afërt se miliarderi, Elon Musk, do të dorëhiqet së shpejti prej rolit të tij qeveritar.
Raportimi i Politicos citon tre persona të afërt me presidentin amerikan.
Përfaqësuesit nga Shtëpia e Bardhë dhe ekipi i udhëhequr i Muskut nuk janë deklaruar ende për të konfirmuar këtë raportim.
Trumpi i kishte kërkuar shefit ekzekutiv të Teslas dhe SpaceX që të udhëhiqte me Departamentin e Efikasitetit Qeveritar (DOGE), që kishte për detyrë zvogëlimin e shpenzimeve qeveritare dhe shpërbërjen e agjencive të ndryshme shtetërore.
Politico ka bërë të ditur se Trumpi dhe Musku janë pajtuar në ditët e fundit që Musku t’i rikthehet biznesit.
Shtëpia e Bardhë e quan “bërllok” raportimin e Politicos se Musk do të dorëhiqet
Zëdhënësja e Shtëpisë së Bardhë, Karoline Leavitt, ka demantuar raportimet e agjencisë së lajmeve Politico, se presidenti amerikan, Donald Trump, e ka njoftuar rrethin e tij të ngushtë për largimin e Elon Muskut nga pozita e tij si shef i Departamentit të Efikasitetit Qeveritar (DOGE).
Leavitt e ka quajtur “bërllok” raportimin e Politicos.
Sipas saj, Elon Musku dhe presidenti Trump kanë deklaruar publikisht se Musk do të lirohet prej detyrës zyrtare pasi “puna e tij e mrekullueshme në DOGE të kompletohet”.
This “scoop” is garbage.
Elon Musk and President Trump have both *publicly* stated that Elon will depart from public service as a special government employee when his incredible work at DOGE is complete. https://t.co/Brppff6SKi
