Policia e Koresë së Jugut po e heton presidentin për "kryengritje"

Policia e Koresë së Jugut po heton presidentin Yoon Suk Yeol nën dyshimin për kryengritje pasi bëri shpalljen jetëshkurtër të ligjit ushtarak.

Zyrtarët ushtarakë janë marrë në pyetje nga deputetët teksa çdo herë e më shumë po bëhet e qartë se shumë pak dinin për planin e presidentit.

Zëvendësministri i Mbrojtjes ka deklaruar të mërkurën se mësoi në lajme për vendimin e presidentit për të shpallur gjendje të jashtëzakonshme ushtarake.

Presidenti Yoon ka pranuar dorëheqjen e ministrit të Mbrojtjes Kim Yong-hyun, i cili kërkoi falje për rolin e tij në lëvizjen tronditëse të së martës mbrëma.

Yoon nuk ka folur publikisht që kur një votim urgjent në parlament herët të mërkurën e detyroi atë të anulojë vendimin e tij dhe tani është nën presion për të dhënë dorëheqjen.