Pesë të vdekur pas sulmit ukrainas në Belgorod të Rusisë

Pesë persona kanë mbetur të vrarë si pasojë e një sulmi ukrainas në Belgorod të Rusisë, i cili shkaktoi shembjen e pjesshme të një ndërtese banimi, raporton “Associated Press”.

Të paktën 20 persona të tjerë janë raportuar të plagosur, derisa operacionet e shpëtimit janë duke u zhvilluar ende.

“Forcat e Armatosura të Ukrainës kryen një sulm terrorist në zonat e banuara të qytetit të Belgorodit duke përdorur sistem raketash taktike”, kanë bërë të ditur nga ministria ruse e Mbrojtjes.

Një pjesë e çatisë së ndërtesës u shemb gjatë operacioni të shpëtimit derisa punonjësit e urgjencës gjendeshin brenda.