Pesë të vdekur nga zjarret në Los Angeles, përfshijnë edhe kodrat e Hollywoodit

Të paktën gjashtë zjarre janë aktive në Los Angeles dhe në qarkun e tij fqinj, Ventura. Përveç njërit në Woodley, i cili është zvogëluar në madhësi, të tjerët nuk po arrihen të kontrollohen, thonë zyrtarët. 

Zjarri i fundit, i quajtur Sunset Fire, shpërtheu në kodrat e Hollywoodit dhe ka shkaktuar evakuime të detyrueshme, duke përfshirë zonat e mbushura me shtëpi të të famshmëve, raporton BBC.

Pesë persona janë konfirmuar të vdekur dhe më shumë se 100,000 njerëz janë detyruar të evakuohen si pasojë e zjarreve.

Palisades, zjarri i parë që shpërtheu të martën, është bërë më shkatërruesi në historinë e Los Anxhelosit dhe është ende në rritje, thonë zyrtarët.

Zjarrfikësit në Los Angeles po përjetojnë mungesë uji dhe po përdorin ujin e marrë nga pishinat dhe pellgjet.