-
Përktheu:
Flutura Gashi-Mehmeti
- 10 mars 2025 13:15
- Shpërndaje në:
Një cisternë nafte dhe një anije mallrash janë përplasur të hënën në Detin e Veriut, raporton BBC.
Cisterna e përfshirë është përfshirë nga flakët kanë njoftuar burimet.
Varkat e shpëtimit dhe ekipet e zjarrfikësve janë në vendngjarje dhe një operacion shpëtimi i rojes bregdetare po koordinohet gjithashtu.
Një avion i rojes bregdetare dhe një anije aty pranë me aftësi zjarrfikëse po dërgohen gjithashtu, pasi alarmi u ngrit fillimisht në orën 9:48.
Nuk dihet ende nëse ka viktima nga ky incident.
Më shumë se 30 persona nxirren në breg pas përplasjes së dy anijeve në Detin e Veriut
Më shumë se 30 persona raportohet të jenë nxjerrë në breg pas një përplasjeje midis një cisterne nafte dhe një anijeje mallrash të hënën në Detin e Veriut.
Martyn Boyers, shefi ekzekutiv i Portit të Grimsby East, ka thënë se 13 persona janë sjellë përmes anijes Windcat 33, dhe disa të tjerë përmes një varke. Gjendja e personave të sjellë në breg nuk dihet ende.
Përplasja e cila ka ndodhur në brigjet e Anglisë lindore ka nxitur një operacion të madh shpëtimi, kanë njoftuar shërbimet e urgjencës.
Agjencia Detare dhe Bregdetare e Britanisë ka thënë se disa varka dhe një helikopter shpëtimi i rojes bregdetare u dërguan në vendngjarje në Detin e Veriut, së bashku me një aeroplan të rojes bregdetare dhe anije aty pranë me aftësi zjarrfikëse.
Agjencia e varkës së shpëtimit RNLI ka thënë se kishte raporte se një numër njerëzish kishin braktisur anijet pas përplasjes dhe se kishte zjarre në të dy anijet.
