Pakistani ka anuluar vizat për shtetasit indianë, ka mbyllur hapësirën e saj ajrore për të gjitha linjat ajrore indiane dhe ka suspenduar tregtinë me Indinë.
Masat kanë ardhur pas vendimit të Indisë për të suspenduar vizat për shtetasit pakistanezë pas sulmit vdekjeprurës në Kashmir ku u vranë 26 persona, shumica turistë, raportoi AP.
Sulmi i së martës ishte më i rëndi në disa vjet që kishte cak civilë.
Tensionet mes Indisë dhe Pakistanit janë rritur ndërsa Neë Delhi ndërmori një ofensivë diplomatike kundër Islamabadit, duke e fajësuar për sulmin në Kashmir.
