Roja bregdetare italiane ka njoftuar të enjten se trupi i magnatit britanik të teknologjisë Mike Lynch është në mesin e atyre që janë nxjerrë na ujërat në Sicili nga rrënojat e jahtit të fundosur, raporton agjencia “AP”.
Superjahti ishte vlerësuar nga ndërtuesit e tij si i pafundosshëm. Por, ai u fundos në orët e hershme të së hënës në ujërat e Sicilisë.
Trupi i Lynch dhe katër të tjerëve janë nxjerrë nga rrënojat. Një grua mbetet e zhdukur.
Superjahti “Bayesian”, i gjatë 56 metra, u fundos pasi u godit nga një stuhi rreth një kilometër nga bregdeti i Sicilisë. Zyrtarët e mbrojtjes civile besojnë se anija u godit nga një tornado mbi ujë dhe u fundos shpejt.
15 nga 22 personat në bord shpëtuan, përfshirë një nënë që u raportua se kishte mbajtur një bebe njëvjeçare mbi valë për ta shpëtuar atë.
Lynch kishte festuar lirimin e tij nga akuzat për mashtrim. Ai po festonte me familjen dhe njerëzit që e kishin mbrojtur në gjykatë në SHBA.
Zhytësit kanë pasur telashe për t’i gjetur trupat.
VIDEO:
Tech tycoon Mike Lynch's 18-year-old daughter remains the only person on the superyacht unaccounted for.
🔴 Lynch's wife, Angela Bacares, was among the fifteen people rescued by the Italian coast guard on Monday. pic.twitter.com/NLFoQvjTwl
