Një i vdekur dhe disa të ngujuar nga shembja e një hoteli në Argjentinë

Një person raportohet të ketë vdekur dhe disa të tjerë besohet se janë bllokuar nën rrënoja pas shembjes së një hoteli në Argjentinë.

Hoteli 10-katësh i Dubrovnikut, në qytetin bregdetar të Villa Gesell, është shembur herët të martën, raporton Reuters, duke cituar bashkinë lokale.

Deri në 15 persona besohet se kanë qenë brenda hotelit, i cili kohët e fundit i ishte duke u rinovuar.

Ekipet e shpëtimit po punojnë në vendngjarje për të çliruar personat që mendohet se janë bllokuar.

Mediat lokale raportojnë se si pasojë e incidentit ka vdekur një burrë rreth të 80-ave.

Autoritetet lokale kanë thënë se punimet e ndërtimit në hotel ishin ndërprerë në gusht me urdhër të bashkisë, sepse rinovimet po kryheshin pa lejet e duhura.

Megjithatë, fqinjët u kanë thënë gazetarëve se puna në ndërtesë kishte vazhduar në kundërshtim me urdhrin e pezullimit.