-
Përktheu:
Flutura Gashi-Mehmeti
- 16 qershor 2024 13:47
- Shpërndaje në:
Një operacion i madh policor po zhvillohet në qendër të Hamburgut pasi një burrë me sëpatë kërcënoi oficerët e policisë, kanë bërë të ditur zyrtarët në qytetin gjerman.
Policia ka bërë të ditur se e ka qëlluar dhe ka plagosur rëndë burrin, i cili po merr ndihmën mjekësore, raporton BBC.
Raportet e mediave thonë se incidenti ka ndodhur pranë një zone tifozësh për mbështetësit e ekipit holandez të futbollit.
Holanda do të luajë me Poloninë në qytet më vonë të dielën, në kuadër të Kampionatit Evropian.
Në një deklaratë të policisë thuhet se një burrë ka kërcënuar punonjësit e policisë me një kazmë dhe një "pajisje ndezëse".
Raportet e mediave thonë se sulmi ndodhi rreth orës 12:30 me orën lokale në Reeperbahn, një rrugë kryesore dhe zonë e jetës së natës në qytet.
