Jordanezët kanë mbajtur protestë për të katërtën ditë me radhë pranë ambasadës izraelite në Aman në përgjigje të luftës në Gaza, duke shprehur kështu mbështetjen e tyre për veprimet e Hamasit, raporton agjencia e lajmeve “Associated Press”.
Mijëra protestues prezent kanë brohoritur kundër presidentit të Autoritetit Palestinez, Mahmoud Abbas dhe kanë kërkuar që Egjipti t’i japë fund rrethimit në Gaza dhe të hapë vendkalimin tokësor me Rripin e Gazës.
Protestuesit kanë denoncuar arrestimin e dhjetëra protestuesve nga forcat jordaneze të sigurisë, të cilët po marrin pjesë në protestat anti-izraelite dhe anti-amerikane.
Gjatë protestës, forcat e sigurisë kanë bllokuar një zonë të madhe të të gjitha rrugëve që të çojnë në ambasadën izraelite duke përdorur qindra zyrtarë, xhandarmëri dhe automjete të blinduara.
