-
Përktheu:
Flutura Gashi-Mehmeti
- 26 qershor 2024 14:24
- Shpërndaje në:
Shefi i sapozgjedhur i NATO-s, Mark Rutte, ka thënë se është nder për të që është vënë në krye të aleancës ushtarake.
Në një postim në X pak pasi është emëruar sekretar i Përgjithshëm, Rutte ka thënë po ashtu se NATO-ja është gurthemeli i sigurisë kolektive.
“Aleanca është dhe do të mbetet gurthemeli i sigurisë sonë kolektive”, është shprehur ai.
Rutte ka shtuar se udhëheqja e aleancës është një përgjegjësi e madhe.
“Udhëheqja e kësaj organizate është një përgjegjësi që nuk e marr lehtë. Unë u jam mirënjohës të gjithë aleatëve për besimin e tyre tek unë”, ka shtuar ai.
It is a tremendous honour to be appointed Secretary-General of NATO. The Alliance is and will remain the cornerstone of our collective security. Leading this organisation is a responsibility I do not take lightly. I’m grateful to all the Allies for placing their trust in me. I…
— Mark Rutte (@MinPres) June 26, 2024
Kryeministri në largim i Holandës, Rutte, është zgjedhur të mërkurën zyrtarisht sekretari i Përgjithshëm i ri i aleancës së NATO-s, me pëlqimin e të gjithë anëtarëve të aleancës ushtarako-politike.
Ai do ta marrë detyrën nga 1 tetori 2024, kur skadon mandati i Stoltenbergut pasi ka kaluar dhjetë vjet në krye të aleancës.
