Ministri britanik i Mbrojtjes, Ben Wallace, ka thënë të hënën se nuk pret që presidenti rus, Vladimir Putin, të përdorë armë bërthamore ndaj Ukrainës.
Sipas tij, shqetësimi duhet të ngrihet pasi Rusia beson se rregullat nuk vlejnë për të, raporton Reuters.
“Ne duhet të shqetësohemi që një shtet si Rusia beson se rregullat nuk vlejnë për ta, pavarësisht nëse është pushtimi i Ukrainës ose përdorimi i agjentit nervor në Salisbury, por në thelb një parandalues është ai që është, një parandalues”, tha Wallace për Times Radio. “Aq sa mund të jetë ambicioz për Ukrainën, nuk mendoj se ai dëshiron të shkojë në atë hapësirë ku të përdorë edhe armët bërthamore”, shtoi ai.
