Macroni i quan “lëvizje të paprecedentë” trazirat në Kaldoninë e Re

Presidenti francez, Emmanuel Macron, i ka përshkruar trazirat në territorin francezo-Paqësor të Kaledonisë së Re si një "lëvizje kryengritjeje të paprecedentë". 

Gjatë një vizite në selinë e policisë në kryeqytetin Nouméa të enjten, ai ka thënë se ditët dhe javët e ardhshme do të jenë të vështira, por Parisi do të "shkojë deri në fund" për të rivendosur qetësinë, raporton BBC.

Gjashtë persona, përfshirë dy oficerë policie, janë vrarë dhe qindra të tjerë janë plagosur në trazira, plaçkitje dhe zjarrvënie, të shkaktuara nga një reformë e diskutueshme zgjedhore.

Kaledonia e Re, një grup ishujsh midis Australisë dhe Fixhit, ka qenë një territor francez që nga shekulli i 19-të. Tensionet kanë qenë të larta për disa kohë midis qeverisë qendrore në Paris dhe kanakëve indigjenë që përbëjnë rreth 40% të arkipelagut të vogël.

Protestuesit e kanakut kanë frikë se një ligj i ri që u jep të drejtën e votës banorëve francezë që kanë jetuar atje për më shumë se 10 vjet, do të zbehë ndikimin e popullsisë indigjene.

Megjithatë, dhuna që filloi më 13 maj është trazira më e rëndë që është parë atje që nga vitet 1980.

Tashmë është vendosur një gjendje e jashtëzakonshme dhe presidenti Macron ka thënë se një forcë prej 3,000 trupash e dislokuar nga Franca do të mbetet atje edhe gjatë Lojërave Olimpike Verore të Parisit nëse është e nevojshme.

Me të mbërritur në Nouméa pas një fluturimi 24-orësh nga Parisi, presidenti Macron ka thënë se dëshironte kthimin e paqes, qetësisë dhe sigurisë "sa më shpejt të jetë e mundur".