Emisari i Bashkimit Evropian për dialogun Kosovë – Serbi, Miroslav Lajçak, është takuar me të sanksionuarin e Shteteve të Bashkuara të Amerikësh njëherësh udhëheqësin e serbëve në Bosnje, Milorad Dodik.
Lajçak dhe Dodik u takuan të premten në margjinat e Forumit Diplomatik në Antalia.
Veç Dodikut, Lajçaku takoi edhe dy anëtarët e tjerë të Presidencës së Bosnjes, me të cilët diskutoi reformat e nevojshme për integrimin në BE.
Dodik, i njohur edhe si lider pro-rus, është sanksionuar nga SHBA-ja më 5 janar të vitit 2022. SHBA-ja e ka akuzuar atë se drejtpërdrejt apo në mënyrë të tërthortë ka shkelur, penguar apo kërcënuar që Marrëveshja e Dejtonit të mos zbatohej, por edhe nën akuza se është përfshirë në aktivitete korruptive.
Milorad Dodik është sanksionuar edhe nga Britania e Madhe.
Për këtë ka reaguar deputeti i Vetëvendosjes, Dimal Basha. Ai i është drejtuar DASH-it nëse e mbështet Lajçakun edhe pasi ai takon njerëz të sanksionuar nga SHBA-ja.
“Një pyetje për Departamentin e Shtetit Amerikan: A e mbështesin ende Lajçakun pasi ky po takon njerëz si Dodiku, që e ka sanksionu Amerika?!” ka shkruar ai në Facebook.
I’m glad I had the chance to meet all three members of the Presidency of ??, as well as Mr Dodik in Antalya. I underlined the crucial importance to deliver on the necessary reforms for ?? to move ahead on its ?? path in March. This is of vital interest for the entire country. pic.twitter.com/18jtVhgWvp
— Miroslav Lajčák (@MiroslavLajcak) March 1, 2024
