-
Përktheu:
Flutura Gashi-Mehmeti
- 12 mars 2025 15:15
- Shpërndaje në:
Kanadaja ka shpallur tarifat hakmarrëse për mallrat amerikane me vlerë prej më shumë se 20 miliardë dollarësh.
Vendimi ka ardhur një ditë pasi kanë hyrë në fuqi tarifat prej 25% të Donald Trumpit për çelikun dhe aluminin për të gjitha vendet, raporton BBC.
Edhe Bashkimi Evropian ka njoftuar se do të vendosë kundërmasa për 26 miliardë euro mallra amerikane në një përgjigje "të fortë por proporcionale".
Sekretari i Shtetit, Marco Rubio, ka thënë se tarifat nuk janë për të "ndëshkuar" vendet e tjera, por çeliku dhe alumini janë "shqetësime të sigurisë kombëtare" për SHBA-në.
Kina thotë se do të marrë "të gjitha masat e nevojshme" për të mbrojtur të drejtat dhe interesat e saj, ndërsa komisioneri i lartë i Kanadasë në Mbretërinë e Bashkuar ka kritikuar "botën tregtare të paligjshme të Donald Trump".
