-
Përktheu:
Flutura Gashi-Mehmeti
- 20 shtator 2024 10:41
- Shpërndaje në:
Një këshilltar i lartë i kryeministrit izraelit, Benjamin Netanyahu i ka paraqitur administratës Biden një armëpushim të ri të propozuar dhe marrëveshje pengjesh me Hamasin, ka thënë një zyrtar izraelit për CNN.
Propozimi nga Gal Hirsch, një aleat i ngushtë i Netanyahut që shërben si koordinator i Izraelit për pengjet dhe të zhdukurit, parasheh një fund të përhershëm të konfliktit në Gaza, lirimin në një fazë të të gjithë pengjeve të mbajtur atje në këmbim të të burgosurve palestinezë të mbajtur nga Izraeli, dhe kalimin e sigurt për liderin e Hamasit, Yahya Sinwar për t'u dëbuar nga Gaza, sipas Kan 11, një transmetues kombëtar izraelit dhe degë e CNN-it.
Presidenti Joe Biden ka njoftuar kohë më parë për një armëpushim të propozuar midis Izraelit dhe Hamasit në Gaza.
Është e paqartë nëse propozimi trajton praninë e trupave izraelite në Gaza pas një armëpushimi dhe marrëveshjes së pengjeve, një pikë e rëndësishme e cila po pengon përparimin e negociatave. Dhe ideja që Sinwar të largohet nga Gaza shihet si e pamundur nga zyrtarët amerikanë.
Një burim i veçantë izraelit i njohur me negociatat ka thënë se propozimi nuk po diskutohej në mesin e ekipit negociator izraelit si bazë për negociatat e reja me Hamasin, të cilat janë të bllokuara prej javësh.
Yahya Sinwar konsiderohet se po fshihet diku në Gaza, pasi nuk është parë për një kohë të gjatë.
LEXO EDHE:
