Ish-oficeri gjerman burgoset për vrasjen e një polaku në vitin 1974

Një ish-oficer i policisë sekrete të Gjermanisë Lindore është dënuar me 10 vjet burgim për vrasjen e një polaku që tentoi të arratisej në Berlinin Perëndimor 50 vjet më parë.

Burri, i quajtur Martin Manfred N në dokumentet e gjykatës, tani është 80 vjeç. Ai kishte qëlluar Czeslaë Kukuczka në shpinë, në stacionin Friedrichstrasse në vitin 1974, pasi kishte hyrë në ambasadën polake duke pretenduar se mbante një bombë dhe duke kërkuar që të lejohej të largohej në Gjermaninë Perëndimore demokratike, raporton BBC.

Detajet e vrasjes mbetën të panjohura për dekada pasi policia sekrete e Stasit dëmtoi dosjet në lidhje me rastin përpara se Gjermania Lindore komuniste të ribashkohej me Perëndimin në vitin 1991.

Prokurorët e Berlinit ngritën akuza kundër tij në vitin 2023 pas hetimeve të vazhdueshme nga historianët dhe autoritetet polake.

Më 29 mars 1974, 38-vjeçari Kukuczka, një zjarrfikës, kishte hyrë me një çantë në ambasadën polake në bulevardin Unter den Linden të Berlinit Lindor.

Babai i tre fëmijëve kishte deklaruar rrejshëm se mbante një bombë. Ai kishte kërkuar të lejohej të largohej për në Berlinin Perëndimor.

Oficerët e Stasit i kishin dhënë një vizë daljeje dhe e kishin shoqëruar në stacionin Friedrichstrasse.

Kukuczka kaloi disa kontrolle kufitare brenda stacionit. Megjithatë, përpara se të arrinte në pjesën perëndimore të stacionit, një burrë iu afrua nga pas dhe e qëlloi pas shpine.

Një grup nxënësish nga Hesse në Gjermaninë Perëndimore ishin mes dëshmitarëve të vrasjes. Njëri ngaa ata kishte dëshmuar në gjyq se kishte parë një burrë të qëllonte Kukuczka-n përpara se "njerëzit me uniformë" të mbyllnin kalimin.

Detajet e çështjes u zbuluan nga historianët, të cilët gjurmuan dosjet në arkivat e Stasit.

Dokumentet që lidhnin Naumann me vrasjen, të cilat ishin dëmtuar, u rikonstruktuan duke përdorur një makinë adekuate.

Familja e Kukuczkas nuk ishte njoftuar kurrë zyrtarisht për fatin e tij. Hiri i tij i ishte dërguar gruas së tij disa javë pas vrasjes.

Çështja u soll në gjyq pasi Polonia lëshoi ​​një urdhër arresti evropian për Naumann në vitin 2021.

Gjyqi është parë se ka një rëndësi të veçantë historike në Gjermani, ngjashëm me gjyqet e autorëve të mbijetuar të Holokaustit.

Martin Manfred N këmbënguli gjithmonë në pafajësinë e tij. Avokati i tij ka thënë se nuk ka prova se ai e ka kryer vrasjen.

Gjermania Lindore u krijua nga pjesët e Gjermanisë të pushtuara nga Bashkimi Sovjetik pas humbjes së Gjermanisë naziste në vitin 1945. Ishte një diktaturë komuniste, ndërsa Gjermania Perëndimore - e krijuar nga zonat e pushtimit amerikan, britanik dhe francez, ishte një shtet kapitalist dhe demokratik.

Në vitin 1991, të dy vendet u ribashkuan për të formuar Gjermaninë moderne.