Të paktën 18 persona kanë mbetur të plagosur, pasi një dron nga Hezbollahu ka goditur një fshat në veri të Izraelit të mërkurën, ka bërë të ditur një spital i rajonit.
Mes 18 të plagosurve një person është në gjendje kritike, dy në gjendje të rëndë dhe katër të plagosur mesatarisht. Njëmbëdhjetë personat e tjerë të plagosur pësuan lëndime të lehta, ka thënë një zëdhënës i Qendrës Mjekësore Galilee në qytetin verior izraelit Nahariya, raporton CNN.
Shumica u plagosën nga predha, ka thënë zëdhënësi.
Grupi militant Hezbollah i Libanit i mbështetur nga Irani ka thënë në një deklaratë të mërkurën se raketat dhe dronët e tij kanë goditur selitë e ushtrisë në veri të Izraelit, në përgjigje të vrasjes së luftëtarëve të tij të martën.
