Gjashtë amerikanë të cilët ishin arrestuar në Venezuelë janë rrugës për në Shtetet e Bashkuara të Amerikës, ka njoftuar presidenti Donald Trump të premten, pasi i dërguari special i tij, Richard Grenell, ishte takuar me presidentin e Venezuelës, Nicolás Maduro, raporton “CNN”.
Zyrtarët e SHBA-së nuk kanë dhënë detaje për 6 të liruarit, por Grenell ka postuar një fotografi bashkë me të liruarit në rrjetin social X.
Në postimin e Grenellit shfaqen katër nga të liruarit me rroba të kaltërta që zakonisht mbahen nga të burgosurit në Venezuelë.
Maduro ka filluar mandatin e tretë, por “fitorja” e tij kontestohet nga opozita vendase, e cila ka publikuar rezultatet e mijërave qendrave të votimit dhe ka sugjeruar se kandidati i tyre, Edmundo Gonzalez, i ka fituar zgjedhjet e korrikut të kaluar. Pretendimet e tyre u mbështetën nga mbikëqyrës të pavarur si Carter Center dhe misioni elektoral i Kolumbisë.
SHBA-ja, Bashkimi Evropian, Britania dhe Kanadaja nuk e njohin Maduron si udhëheqësin legjitim të Venezuelës.
