G7-a mblidhet në Itali, diskutohet përdorimi i aseteve ruse për ta ndihmuar Ukrainën

Ministrat e Financave dhe zyrtarët nga Grupi i Shtatë demokracive të pasura (G7), kanë hapur një takim dyditor të premten, në brigjet e Lago Maggiore të Italisë veriore.

Sekretarja amerikane e Thesarit, Janet Yellen është duke kërkuar në takim “për më shumë opsione ambicioze” për të zhbllokuar paratë nga 260 miliardë dollarët në rezervat e Bankës Qendrore ruse, të ngrira në Evropë dhe në SHBA, pas pushtimit rus të Ukrainës, më 24 shkurt të vitit 2022, raporton AP.

Ndihma për Ukrainën është bërë më urgjente pasi financat e Kievit duken më të lëkundshme kundër perspektivës që konflikti do të zgjasë deri në vitin e ardhshëm dhe më tej, dhe ndërsa Rusia rrit shkatërrimin e saj të infrastrukturës civile, si termocentralet.

Kongresi i SHBA-së ka miratuar legjislacionin që lejon administratën Biden të konfiskojë afërsisht 5 miliardë dollarë në asetet ruse të vendosura në SHBA, por shumica e fondeve janë në Evropë.

Duke përmendur shqetësimet ligjore, zyrtarët evropianë kanë refuzuar konfiskimin e plotë të parave dhe dorëzimin e tyre në Ukrainë si kompensim për shkatërrimin e shkaktuar nga Rusia.

Në vend të kësaj, ata planifikojnë të përdorin interesin e grumbulluar në asete, por kjo është vetëm rreth 3 miliardë dollarë në vit, për nevojat financiare për një muaj për qeverinë ukrainase.

Ukraina shpenzon pothuajse të gjitha të ardhurat e saj nga taksat për ushtrinë, dhe ka nevojë për 40 miliardë dollarë të tjerë në vit për të vazhduar të paguajë pensionet dhe pagat e mjekëve, infermierëve dhe mësuesve.

Mbështetja nga aleatët dhe një hua prej 15.4 miliardë dollarësh nga Fondi Monetar Ndërkombëtar fillimisht u mendua se kishte siguruar buxhetin për katër vjet, por perspektivat e një konflikti të zgjatur kanë errësuar perspektivën për vitin e ardhshëm.