Fluturimet drejt dhe nga aeroporti i Hamburgut u pezulluan përkohësisht të hënën, pasi autoritetet morën kërcënime për një aeroplan që fluturoi nga Irani, ka njoftuar agjencia gjermane e lajmeve DPA.
Policia federale njoftoi se pranoi një kërcënim me email të hënën për një sulm në fluturimin Teheran-Hamburg dhe se me rastin u mor seriozisht, megjithëse nuk dha detaje.
198 pasagjerët dhe 16 anëtarët e ekuipazhit iu nënshtruan një kontrolli, sikurse edhe avioni e bagazhet në bord.
Operacionet e fluturimit rifilluan pas rreth dy orësh.
