-
Përktheu:
Blerta Haxhiu
- 3 janar 2025 13:54
- Shpërndaje në:
Veteran i ushtrisë amerikane, i cili vrau 15 persona, kur goditi me kamion një turmë njerëzish që kishin dalë për të festuar Vitin e Ri në New Orleans, ishte zotuar për besnikëri ndaj Shtetit Islamik dhe dukej se kishte bërë regjistrime në të cilat ai dënonte muzikën, drogën dhe alkoolin.
Shamsud-Din Jabbar, 42-vjeçar nga Teksasi, i cili dikur shërbente në Afganistan, veproi i vetëm në sulm, ka njoftuar FBI-ja, duke përmbysur një vlerësim të mëparshëm se ai mund të ketë pasur bashkëpunëtorë.
Sulmuesi u vra nga policia gjatë shkëmbimeve të zjarrit, raporton Reuters.
Sulmi po vlerësohet si akt terrorist nga FBI-ja.
“Ishte i paramenduar dhe një akt i lig”, tha zëvendësndihmësdrejtori i FBI-së, Christopher Raia në një konferencë për shtyp, duke rikonfirmuar vlerësimin e Byrosë se Jabbar ishte frymëzuar nga grupi militant Shteti Islamik.
