Planet dhe ndikimi i Rusisë në Ballkan shpesh është temë e mediave perëndimore. Revista Foreign Affairs shkruan për ndikimin e Moskës në procesin e integrimit të vendeve të Ballkanit Perëndimor në BE dhe NATO.
Sipas kësaj reviste, cak i radhës i Rusisë në rajon është shteti i Bosnjës dhe Hercegovinës.
Moska synon që të mbajë Bosnjën jashtë NATO-s dhe BE-së, me ndihmën e aleancës me presidentin e Republikës Serbe Milorad Dodik dhe kryesuesin aktual të Presidencës së Bosnjës nga radhët e popullit kroat Dragan Çoviq, shkruan revista.
