Një burrë është arrestuar pas një sulmi me thikë në parkun e qytetit gjerman të Aschaffenburg të mërkurën, si pasojë e të cilit kanë vdekur dy persona, ka raportuar policia.
I dyshuari është arrestuar në skenën e krimit në parkun Schoental, ndërsa sulmi ka ndodhur rreth orës 10:45, ka raportuar agjencia e lajmeve Reuters.
Policia ka deklaruar se nuk informata se ka qenë një sulmues tjetër dhe se nuk ka rrezik për publikun.
Një fëmijë ishte në mesin e të vdekurve, ka raportuar gazeta gjermane Bild.
Policia nuk ka publikuar emrin e sulmuesit. "Bild" ka raportuar se bëhet fjalë për një shtetas afgan. Viktimat janë të moshave 41-vjeçare dhe 2-vjeçare.
