Anëtari serb i presidencës boshnjake, Milorad Dodik ka deklaruar se ka ardhur koha që serbët të mbajnë referendum për ndarje nga Bosnja.
Duke i komentuar dokumentet e deklasifikuara amerikane që shpalosin politikën e SHBA-së gjatë luftës në Bosnjë, ai ka thënë se ka ardhur koha që “ideja amerikane të realizohet”, raportojnë mediet serbe, transmeton KOHA.
“E qartë është që në Bosnjë nuk ka vullnet të përfaqësuesve politikë për respektimin e Daytonit dhe ne jemi peng. Ka ardhur koha që ajo ide të ripërtërihet dhe të zbatohen dispozitat rreth të drejtave dhe lirive qytetare”, ka thënë ai.
