Buxheti i mbrojtjes i Rusisë për vitin 2024 tejkaloi të gjithë Evropën së bashku, thotë studimi

Buxheti i mbrojtjes i Rusisë në vitin 2024 tejkaloi të gjithë Evropën, në terma të fuqisë blerëse, dhe ajo ka  aftësinë për të vazhduar pushtimin e saj të Ukrainës me intensitetin aktual edhe për një vit, sipas një analize të re të publikuar të mërkurën.

Llogaritjet nga Instituti Ndërkombëtar për Studime Strategjike kanë arritur në përfundimin se Rusia shpenzoi 462 miliardë dollarë për mbrojtjen kundër 457 miliardë dollarëve të Evropës, raporton The Guardian.

Megjithëse Rusia ka humbur të paktën 172,000 trupa dhe i janë plagosur 611,000 të tjerë që nga fillimi i luftës, rekrutimi dhe prodhimi mbeti i qëndrueshëm.

"Unë mendoj se ata mund të vazhdojnë intensitetin aktual të operacioneve për pjesën tjetër të këtij viti," ka thënë Ben Barry, një analist i luftës tokësore.

Ukraina, ndërkohë, po vuan nga mungesa e personelit në vijën e parë, ndërsa përpjekjet për rekrutim dobësohen. 

Shifrat e publikuara treguan gjithashtu se Gjermania kishte kaluar Britaninë e Madhe si shpenzuesi i dytë më i madh i mbrojtjes në NATO, pas SHBA-së, gjatë vitit 2024, duke reflektuar një rritje të madhe të shpallur nga kancelari, Olaf Scholz në përgjigje të luftës në Ukrainë. 

Të gjitha buxhetet evropiane të mbrojtjes janë rritur me 50% që nga viti 2014.