Presidenti amerikan, Joe Biden është rikthyer në Shtëpinë e Bardhë të martën, pasi ka rezultuar negativ për Covid-19.
Bideni ishte izoluar fundjavës së shkuar në një shtëpi në Delëare, për t’u rikuperuar nga virusi, raporton AP.
Ai do t’i drejtohet kombit nga Zyra Ovale të mërkurën në mbrëmje, pas vendimit të tij për të hequr dorë nga gara për rizgjedhje në vitin 2024.
Bideni postoi në X se ai do të fliste "për ato që do të ndodhin" dhe se si do ta "mbarojë punën për popullin amerikan".
Bideni nuk është parë publikisht që nga 17 korriku, por ai thirri në një takim zyrtarët e fushatës të hënën, për t'iu drejtuar stafit dhe për të shprehur mbështetjen e tij për ofertën e zëvendëspresidentes, Kamala Harris për ta zëvendësuar atë, një ditë pasi njoftoi se do të largohej nga gara.
