Presidenti amerikan, Joe Biden, ka rezultuar pozitiv për COVID-19 dhe ka simptoma të lehta, ka njoftuar Shtëpia e Bardhë.
Karine Jean-Pierre, zëdhënësja për media, ka thënë se Bideni është i vaksinuar edhe me përforcues. Ai kishte rezultuar pozitiv për koronavirus dy herë më parë.
Bideni është parë të mërkurën që ka vizituar mbështetësit e tij në Las Vegas dhe ka folur para tyre. Ai e ka anuluar një fjalim që do ta mbante më vonë.
Sëmundja vjen teksa ai përballet me presionin në ngritje që të tërhiqet nga gara presidenciale për shkak të moshës së tij, raportoi BBC.
Jean-Pierre ka thënë se presidenti planifikon të izolohet në shtëpinë e tij në Delaware.
Mjeku i tij, Kevin O’Connor, ka thënë se Bideni ka kollë dhe rrjedhje hundësh.
