Bideni flet për mundësinë e një lufte gjithpërfshirëse në Lindje të Mesme

Presidenti amerikan, Joe Biden ka thënë të mërkurën se "lufta gjithpërfshirëse" është ende e mundur pasi luftimet midis Izraelit dhe Hezbollahut po përshkallëzohen, por ai shpreson se mund të gjendet një platformë e hapur për të parandaluar gjakderdhjen e mëtejshme.

Bideni ka folur gjatë një interviste në "The View" të ABC News.

Komentet e tij erdhën pas disa ditësh përplasjeje mes Izraelit dhe militantëve të Hezbollahut të mbështetur nga Irani në Liban që kanë vrarë qindra njerëz dhe kanë rindezur frikën për një luftë më të gjerë në Lindjen e Mesme, raporton AP.

Presidenti, i cili iu drejtua Asamblesë së Përgjithshme vjetore të OKB-së të martën, u pyet nga një prej mikpritësve të programit për mundësinë e një lufte "gjithëpërfshirëse" në rajon, nëse një armëpushim ishte ende i arritshëm dhe nëse ai do të kushtojë një armëpushim për të gjithë pengjet që kthehen të gjallë.

"Një luftë e gjithanshme është e mundur”, ka thënë Biden, duke shtuar se ai mendon se ekziston mundësia "për të pasur një zgjidhje që mund të ndryshojë rrënjësisht të gjithë rajonin".

Bideni ka deklaruar se bindja e Izraelit dhe Hezbollahut për të rënë dakord për një armëpushim mund të ndihmojë në arritjen e një ndërprerjeje të armiqësive midis Izraelit dhe militantëve të Hamasit në Gaza.