-
Përktheu:
Flutura Gashi-Mehmeti
- 12 qershor 2024 18:37
- Shpërndaje në:
Presidenti amerikan, Joe Biden dhe ai ukrainas, Volodymyr Zelensky do të nënshkruajë një marrëveshje dypalëshe sigurie ndërmjet Ukrainës dhe SHBA-së të enjten, kur dy presidentët të takohen, në margjinat e samitit të Grupit G7.
Qëllimi do të jetë që Rusisë t’i dërgohet sinjali për vendosmërinë amerikane për mbështetjen ndaj Kievit, ka bërë të ditur Shtëpia e Bardhë të mërkurën.
Këshilltari i Sigurisë Kombëtare, Jake Sullivan, u ka thënë gazetarëve se marrëveshja nuk do t'i angazhonte trupat amerikane drejtpërdrejt në mbrojtjen e Ukrainës kundër pushtimit të Rusisë – një vijë e kuqe e tërhequr nga Bideni, i cili ka frikë se mos futet në konflikt të drejtpërdrejtë midis fuqive të armatosura bërthamore.
“Ne duam të tregojmë se SHBA-ja mbështet popullin e Ukrainës, se ne qëndrojmë me ta dhe se do të vazhdojmë të ndihmojmë në adresimin e nevojave të tyre të sigurisë. Kjo marrëveshje do të tregojë vendosmërinë tonë”, ka deklaruar Sullivan.
Ai e quajti marrëveshjen një "urë" kur Ukraina të ftohet për t'u bashkuar me aleancën e NATO-s - një prioritet afatgjatë i Zelenskyt për të cilin aleatët kanë thënë se fillimisht do të kërkojë fundin e luftës Rusi-Ukrainë.
LEXO EDHE:
