-
Përktheu:
Flutura Gashi-Mehmeti
- 27 qershor 2024 10:17
- Shpërndaje në:
Përballja në Atlanta mes Joe Bidenit dhe Donald Trumpit të enjten në mbrëmje ka një shans të mirë për t'u bërë debati presidencial më fatal në historinë e SHBA-së.
Për herë të parë, një president në detyrë dhe një ish-president do të përballen para miliona shikuesve, në një takim që do të zhvillohet shumë më herët se zakonisht - madje edhe para konventave të partisë.
Përballja e organizuar nga CNN-i është momenti më i rëndësishëm deri më tani për zgjedhjet e nëntorit, dhe është shansi më i mirë i Bidenit për të paraqitur ofertën e tij të rizgjedhjes, të cilën ai është në rrezik të thellë ta humbasë, ndërsa përpiqet të bindë votuesit se ua ka ofruar politikën dhe normalitetin ekonomik që premtoi në vitin 2020.
Natyra e rëndësishme e këtij debati mund të kuptohet plotësisht vetëm në sfondin e politikës së paprecedentë të kohës.
Që kur senatori John F. Kennedy dhe zëvendëspresidenti Richard Nixon organizuan debatin e parë televiziv në fushatën e vitit 1960, ka pasur zgjedhje shumë të ngushta që e kanë vendosur vendin në një kurs krejtësisht të ndryshëm.
Por veprimet në zgjedhjet e këtij viti janë më të mëdha se kurrë për shkak të përpjekjes së Trumpit për të penguar transferimin paqësor të pushtetit bazuar në pretendimet e rreme për mashtrim në zgjedhjet e vitit 2020 dhe premtimin e tij për të krijuar një presidencë të paparë të hakmarrjes personale nëse ai fiton në nëntor.
Debati Biden - Trump do të zhvillohet për 90 minuta në CNN, duke filluar nga ora 21:00 në Atlanta, sipas kohës lokale.
LEXO EDHE:
