-
Përktheu:
Flutura Gashi-Mehmeti
- 9 maj 2024 08:06
- Shpërndaje në:
Presidenti amerikan, Joe Biden, ka deklaruar të mërkurën se do të ndalojë disa dërgesa të armëve amerikane në Izrael, për të cilat ai pranoi se janë përdorur për të vrarë civilë në Gaza, nëse kryeministri Benjamin Netanyahu urdhëron një pushtim të qytetit të Rafahut.
"Civilët janë vrarë në Gaza si pasojë e atyre bombave dhe mënyrave të tjera përmes të cilave ata shkojnë pas qendrave të popullsisë”, ka thënë Biden në një intervistë për CNN të mërkurën.
“E bëra të qartë se nëse ata shkojnë në Rafah, nuk kanë shkuar ende në Rafah, nëse shkojnë në Rafah, unë nuk do t'i furnizoj me armët që janë përdorur historikisht për t’u marrë me Rafahun, për t’u marrë me problemet që ata merren”, ka shtuar presidenti amerikan.
Njoftimi i Bidenit se ai ishte i përgatitur të kushtëzonte armatimin amerikan me veprimet e Izraelit, përbën një pikë kthese në konfliktin shtatë-mujor midis Izraelit dhe Hamasit. Dhe pranimi i tij se bombat amerikane ishin përdorur për të vrarë civilë në Gaza është një njohje e qartë e rolit të Shteteve të Bashkuara në luftë.
Presidenti ka qenë nën presion të jashtëzakonshëm, përfshirë nga anëtarët e partisë së tij, për të kufizuar dërgesat e armëve në mes të një krize humanitare në Gaza.
Deri më tani, presidenti i kishte rezistuar atyre thirrjeve dhe i kishte mbështetur fuqishëm përpjekjet e Izraelit për të ndjekur Hamasin.
Megjithatë, një pushtim i afërt i Rafahut, qyteti në Gazën jugore ku më shumë se një milion civilë palestinezë janë strehuar, duket se ka ndryshuar llogaritë e Bidenit.
“Ne nuk po distancohemi nga siguria e Izraelit. Ne po distancohemi nga aftësia e Izraelit për të bërë luftë në ato zona”, është shprehur Bideni.
Ai ka thënë se derisa SHBA-ja do të vazhdonte ta furnizonte Izraelin me armë mbrojtëse, përfshirë sistemin e mbrojtjes ajrore Iron Dome, dërgesat e tjera do të ndalen nëse fillon pushtimi i plotë i Rafaut.
“Ne do të vazhdojmë të sigurohemi se Izraeli është i sigurt në termat e Iron Dome dhe aftësisë së tyre për t’iu përgjigjur sulmeve që mund të vijnë nga jashtë, nga ndonjë vend i Lindjes së Mesme. Por është, është e gabueshme. Ne nuk do ta furnizojmë me armë dhe predha artilerie”, ka deklaruar ai.
LEXO EDHE:
