Arrestohen 7 adoleshentë lidhur me sulmin në një kishë në Sydney

Policia australiane ka arrestuar shtatë adoleshentë të akuzuar për ideologji ekstremiste, gjatë bastisjeve të së mërkurës në të gjithë Sydneyn, për të mbrojtur komunitetin nga një sulm i mundshëm, raporton “Associated Press”.

Të shtatë adoleshentët, të moshës 15 deri në 17 vjeç, ishin pjesë e një rrjeti që përfshinte edhe 16-vjeçarin i cili theri me thikë një peshkop dhe një prift ortodoks në një kishë të Sydneyt më 15 prill.  
Policia e vendit ka bërë të ditur se kanë ekzekutuar 13 urdhra kontrolli në pronat në jugperëndim të Syndeyt, sepse të dyshuarit konsideroheshin kërcënim i menjëhershëm.

“Ne pretendojmë se këta individë i përmbaheshin një ideologjie ekstremiste të dhunshme me motive fetare”, ka thënë zëvendëskomisioneri i policisë së New Wales, David Hudson. 
Një djalë 16-vjeçar u arrestua pasi sulmoi me thikë një peshkop, një prift dhe pjesëmarrës tjerë në meshë, në kishën Assyrian Christ The Good Shepherd, më 15 prill, sulm i cili u cilësua si akt terrorist me motive fetare.