Armatimi perëndimor i Ukrainës, kokëçarje për Putinin

"Nuk është aq e lehtë të ndalosh këtë fluks ndihme sa mund të duket", ka thënë Stephen Biddle, profesor i marrëdhënieve ndërkombëtare dhe publike në Universitetin Columbia. “Gjëra të tilla si municionet dhe raketat me lansues kraharori mund të transportohen në kamionë që duken si çdo kamion tjetër komercial. Dhe kamionët që transportojnë municionet që rusët duan të ndalojnë janë vetëm një pjesë e vogël e një fluksi shumë më të madh mallrash dhe tregtie që lëvizin në Poloni dhe Ukrainë dhe përtej kufirit, ka theksuar ai

Armët perëndimore që iu dërguan Ukrainës ndihmuan zbutjen e ofensivës fillestare të Rusisë dhe duket se do të kenë rol qendror në betejën e afërt, potencialisht vendimtare, për rajonin e kontestuar të Donbasit në Ukrainën lindore. Megjithatë, ushtria ruse po bën pak përparim në përpjekjen për ndalimin e atij që është kthyer në dërgesën më të shpejtë historike të armëve.

Amerika po intensifikon furnizimin

Vetëm shifrat e SHBA-së po rriten: më shumë se 12.000 armë të dizajnuara për të mposhtur automjetet e blinduara, rreth 1.400 raketa Stinger të shkrepura nga kraharori për të rrëzuar avionë dhe më shumë se 50 milionë rrathë municioni, ndër shumë gjëra të tjera. Dhjetëra shtete të tjera po e shtojnë shifrën e përgjithshme.

Administrata Biden po përgatit një paketë tjetër, më të larmishme, të mbështetjes ushtarake, e cila mund të arrijë në 750 milionë dollarë, e që do të shpallet në ditët në vijim, tha të martën një zyrtar i lartë i mbrojtjes amerikane. Zyrtari foli në kushte anonimiteti për të diskutuar planet që nuk janë shpallur ende publikisht. Ndihma shtesë është një shenjë se administrata synon të vazhdojë të zgjerojë mbështetjen për përpjekjet luftarake të Ukrainës.

Këto armatime kanë ndihmuar ushtrinë ukrainase të paarmatosur mjaftueshëm të sfidojë parashikimet se do të pushtohej shpejt nga Rusia. Këto shpjegojnë pjesërisht pse ushtria e presidentit rus, Vladimir Putin, hoqi dorë, të paktën tani për tani, nga përpjekja për të marrë Kievin dhe e ka ngushtuar fokusin e saj në betejat për Ukrainën lindore dhe jugore.

Zyrtarët dhe analistët amerikanë ofrojnë shpjegime të shumta se përse rusët kanë pasur kaq pak sukses në ndalimin e lëvizjes së armëve perëndimore nga vendet fqinje, përfshirë Poloninë. Ndër arsyet e mundshme: dështimi i Rusisë për të fituar kontrollin e plotë të qiejve të Ukrainës ka kufizuar përdorimin e fuqisë ajrore. Gjithashtu rusët kanë luftuar për të armatosur dhe furnizuar trupat e tyre në Ukrainë.

Problemet që nisin në shtëpi

Disa thonë se problemi i Moskës fillon nga Rusia.

"Përgjigjja e shkurtër për pyetjen është se ata janë një ushtri epike e paaftë e udhëhequr keq nga lart", ka deklaruar James Stavridis, admiral i pensionuar i Marinës amerikane, i cili ishte komandanti më i lartë i NATO-s në Evropë nga 2009 deri në 2013.

Rusët gjithashtu përballen me pengesa praktike. Robert G. Bell, zyrtar për një kohë të gjatë i NATO-s dhe tani profesor në Shkollën e Marrëdhënieve Ndërkombëtare, Sam Nunn, në Universitetin Teknik të Gjeorgjisë, tha se dërgesat mund të fshihen ose maskohen në mënyra që mund t'i bëjnë ato të pakapshme për rusët – “pa ndonjë rrjet spiunazhi në skenë” për të identifikuar lëvizjet e autokolonave.

"Nuk është aq e lehtë të ndalosh këtë fluks ndihme sa mund të duket", ka thënë Stephen Biddle, profesor i marrëdhënieve ndërkombëtare dhe publike në Universitetin Columbia. “Gjëra të tilla si municionet dhe raketat me lansues kraharori mund të transportohen në kamionë që duken si çdo kamion tjetër komercial. Dhe kamionët që transportojnë municionet që rusët duan të ndalojnë janë vetëm një pjesë e vogël e një fluksi shumë më të madh mallrash dhe tregtie që lëvizin në Poloni dhe Ukrainë dhe përtej kufirit.

"Kështu që rusët duhet të gjejnë gjilpërën në këtë kashtë shumë të madhe për të shkatërruar armët dhe municionet që kërkojnë dhe të mos shpërdorojnë municione të pakta në kamionë plot me letër printeri ose pelena për fëmijë ose kushedi se çfarë”.

Paralajmërimi rus për Amerikën

Edhe me këtë ndihmë perëndimore është e pasigurt nëse Ukraina do të mbizotërojë përfundimisht kundër një force më të madhe ruse. Administrata Biden ka mohuar planet për angazhimin e trupave amerikane në luftë. Në vend të kësaj, ka zgjedhur të orkestrojë denoncimin ndërkombëtar dhe sanksionet ekonomike, të sigurojë informacione inteligjente, të forcojë krahun lindor të NATO-s për të penguar një luftë më të gjerë me Rusinë dhe të dhurojë armë.

Në mes të marsit, zëvendësministri i Jashtëm rus, Sergei Ryabkov, tha se dërgesat e armëve do të ishin në shënjestër.

Ushtari ukrainas gjuan me armën antitank, NLAW, gjatë stërvitjes në Operacionin e Forcave të Përbashkëta, në rajonin e Donjeckut në Ukrainën lindore më 15 shkurt 2022

---

“Ne paralajmëruam Shtetet e Bashkuara se dërgesa e armëve në Ukrainë nga një numër vendesh nuk është vetëm veprim i rrezikshëm, por edhe veprim që i kthen autokolonat përkatëse në objektiva legjitime”, tha ai në komentet televizive.

Por deri më tani, rusët duket se nuk i kanë vënë vetes prioritet të lartë ndalimin e armëve, ndoshta sepse forcat e tyre ajrore janë të ngurta të fluturojnë kundrejt mbrojtjes ajrore të Ukrainës për të kërkuar dhe sulmuar autokolonat e furnizimit në lëvizje. Ata kanë goditur vende fikse si depot e armëve dhe vendet e ruajtjes së karburantit, por me efekt të kufizuar.

Sistemi kritik S-300

Të hënën, rusët thanë se shkatërruan katër raketahedhës tokë-ajër, S-300, që i ishin dhënë Ukrainës nga një vend evropian i paspecifikuar. Sllovakia, anëtare e NATO-s që ndan një kufi me Ukrainën, dhuroi vetëm një sistem të tillë javën e kaluar, por mohoi se ishte shkatërruar. Të martën, Ministria ruse e Mbrojtjes njoftoi se raketat me rreze të gjatë veprimi janë përdorur për të goditur dy depo municionesh ukrainase.

Ndërsa luftimet intensifikohen në Donbas dhe ndoshta përgjatë korridorit bregdetar drejt Gadishullit të Krimesë të aneksuar nga Rusia, Putini mund të ndihet i detyruar të godasë më fort tubacionin e armëve, të cilin presidenti ukrainas, Volodymyr Zelenskyy, e ka quajtur jetik për mbijetesën e kombit të tij.

Ndërkohë, një vëllim dhe gamë marramendëse e materialeve luftarake po mbërrin pothuajse çdo ditë.

“Shkalla dhe shpejtësia e mbështetjes sonë për plotësimin e nevojave të mbrojtjes së Ukrainës janë të paprecedentë në kohët moderne”, tha John Kirby, sekretari i shtypit i Pentagonit. Ai tha se rreth 2.5 miliardë dollarë në armë dhe materiale të tjera që i janë ofruar Ukrainës që nga fillimi i administratës së Bidenit janë ekuivalente me më shumë se gjysmën e buxhetit normal të mbrojtjes së Ukrainës.

Pesë mijë “Javelinë” shkatërrimtarë

Një shembull: Pentagoni thotë se ka siguruar më shumë se 5.000 raketa “Javelin”, të cilat janë ndër armët më efektive në botë kundër tankeve dhe automjeteve të tjera të blinduara – dhe madje mund të rrëzojnë helikopterët me fluturim të ulët. Raketa me peshë 50-23 kilogramë, shkrepet nga një ushtar individual; nga tubi i tij i lëshimit fluturon lart në një kënd të pjerrët dhe zbret drejtpërdrejt në objektivin e tij në atë që njihet si një goditje me top të lakuar - duke goditur majën e një tanku ku armatura e tij është më e dobët.

Rrugët specifike të përdorura për të transportuar armatim në Ukrainë janë sekrete për arsye sigurie, por procesi bazë nuk është. Vetëm këtë javë, dy aeroplanë me ngarkesa ushtarake të SHBA-së mbërritën në Evropën Lindore me sende që variojnë nga mitraloza dhe municione të armëve të vogla, deri te parzmoret e trupit dhe granatat, njoftoi Pentagoni.

Një ngarkesë e ngjashme pritet në fund të kësaj jave për të përfunduar dërgimin e 800 milionë dollarëve në ndihmë të miratuar nga presidenti Joe Biden vetëm një muaj më parë. Armët dhe pajisjet shkarkohen, zhvendosen në kamionë dhe dërgohen në Ukrainë nga ushtarët ukrainas për t'u dorëzuar në fushëbeteja.

Kirby tha se materiali ndonjëherë arrin te trupat në terren brenda 48 orëve nga hyrja në Ukrainë.

Në këtë imazh të siguruar nga Forcat Ajrore të SHBA-së, avionët dhe civilët nga skuadroni i 436-të, në bazën e Forcave Ajrore Dover më 21 janar 2022, paketojnë municione, armë dhe pajisje të tjera të destinuara për Ukrainën